3 கிலோ எடை ராட்சஷ காளான் ஆண்டுதோறும் வளரும் அதிசயம்

by கார்த்திக் Fri Sep 17, 2010 8:45 am

மேட்டூர்: மேட்டூர் அடுத்த வீரக்கல் கிராமத்தில் ஆண்டுதோறும் மழைக்காலத்தில் குறிப்பிட்ட இடத்தில் ராட்சஷ காளான்கள் வளர்வது அப்பகுதி மக்களை ஆச்சரியத்தில் ஆழ்த்தியுள்ளது.சேலம் மாவட்டம், மேட்டூர் தாலுகா, வீரக்கல் பஞ்.,ல் உள்ளது செங்குட்டை கிராமம். கிராமத்தில் உள்ள ஒரு தென்னந்தோப்பில் பருவமழை காலத்தில் குறிப்பிட்ட ஒரு இடத்தில் மட்டும் ராட்சஷ காளான்கள் வளர்கிறது. ஆண்டில் அதிகபட்சம் மூன்று கிலோ எடை கொண்ட நான்கு காளான் வளர்கிறது.இது குறித்து செங்குட்டைகாடு கிராமத்தை சேர்ந்த சித்த மருத்துவர் செல்லமுத்து கூறுகையில், ""எங்கள் வீட்டின் அருகிலுள்ள தென்னந்தோப்பில் ஆண்டுதோறும் பருவமழை சீஸனில் மட்டும் மூன்று கிலோ எடையுள்ள ராட்சஷ காளான் வளர்கிறது. தொடர்ந்து மூன்று முதல் நான்கு நாட்கள் வரை அதிகபட்சம் நான்கு காளான் வளர்கிறது. அதன் பின்னர் அடுத்த ஆண்டுதான் அதே இடத்தில் காளான் வளர்கிறது. ""நேற்று முன்தினம் 2 கிலோ எடையுள்ள ஒரு காளானை பறித்து சமைத்து சாப்பிட்டோம். நேற்று அதே இடத்தில் மூன்று கிலோ எடையுள்ள ஒரு காளான் வளர்ந்தது. அந்த காளானையும் சமைப்பதற்காக பறித்துள்ளோம். கடந்த எட்டு ஆண்டுகளாக, ஒவ்வொரு ஆண்டும் பருவமழை சீஸனில் ராட்சஷ காளான் வளர்கிறது,'' என்றார்.