வீட்டில் இருந்தபடியே ஓட்டுநர் உரிமம் பெறும் வசதி

கார்த்திக் · கார்த்திக் Thu Sep 16, 2010 10:12 pm

ஓட்டுநர் பழகுனர் உரிமத்தை ஆன்லைனில் வீட்டிலிருந்தே விண்ணப்பிக்கும் வசதித்திட்டம்

ஓட்டுநர் பழகுனர் உரிமம்(எல்.எல்.ஆர்.) பெற வீட்டில் இருந்தபடியே ஆன்லைனில் விண்ணப்பிக்கும் வசதியை போக்குவரத்து துறை தற்போது ஏற்படுத்தியுள்ளது.

இவ்வாறு விண்ணப்பம் செய்ய ஆன்லைனில் transport.nic.in என்ற வெப்சைட்டை திறக்க வேண்டும். அப்போது திரையில் வரும் சேவை முன் பதிவு என்பதை திறந்து அதில் விண்ணப்பதாரர் பெயர்,தந்தை பெயர்,முகவரி,பிறந்த தேதி,அங்க அடையாளம்,ரத்த வகை, ஆகியவற்றை செய்யவேண்டும்.

அதில் உள்ள எண்ணை குறித்துக்கொண்டு மறுநாளே சம்பந்தப்பட்ட வட்டாரப்போக்குவரத்து அலுவலகத்தில் நேரில் சென்று கட்டணத்தை செலுத்தி, கணினி மூலம் நடத்தப்படும் எல்.எல்.ஆர். தேர்வில் வெற்றி பெற்றால் உடனடியாக ஓட்டுநர் பழகுனர் உரிமம் பெற்றுக்கொள்ளலாம்.

இதன் சிறப்பு அம்சம் மனுதாரர் தனக்கு விரும்பிய நாளையும் மற்றும் நேரத்தினை தேர்வு செய்துகொள்ளலாம். இவ்வாறு மேற்படி ஆன்லைனில் ஓட்டுநர் பழகுனர் உரிமம் விண்ணப்பம் செய்வதால் மனுதாரர் வட்டார போக்குவரத்து அலுவலகத்தில் காத்திருக்க வேண்டிய அவசியமில்லை.

மனுதாரர் விரும்பிய நாளில், விரும்பிய நேரத்தில் தேர்வு எடுத்துக்கொள்ளலாம் என்று தமிழக அரசு அறிவித்துள்ளது.