தமிழகம் முழுவதும் நாளை தனியார் பள்ளிகள் மூடல்

தமிழகம் முழுவதும் திட்டமிட்டபடி நாளை அனைத்து நர்சரி,பிரைமரி மற்றும் மெட்ரிக் பள்ளிகள் மூடப்படும் என்று அறிவிக்கப்பட்டுள்ளது.

இது குறித்து மெட்ரிக் பள்ளி கூட்டமைப்பு செயலாளர் இளங்கோவன், ‘’இந்த போராட்டம் அரசுக்கு எதிரானதல்ல’’ என்று தெரிவித்திருந்தார்.

அவர் மேலும், ‘’நாளை நடக்கவிருந்த காலாண்டுத்தேர்வு வேறொரு நாளில் நடத்த திட்டமிடப்பட்டுள்ளது’’என்று தெரிவித்துள்ளார்.

கிருஷ்ணகிரி மாவட்டம் போ‌ச்ச‌ம்ப‌ள்‌ளி‌யி‌ல் கட‌ந்த 13ஆ‌ம் தே‌தி அ‌ன்று ஒரு த‌னியா‌‌ர் ப‌ள்‌ளி‌யி‌ல் படி‌த்த ‌பிள‌ஸ் 1 மாணவ‌‌ன் சுரே‌ஷ் அதே ப‌ள்‌ளி‌ வாகன‌ம் மோ‌தி உ‌‌யி‌ரிழ‌‌ந்தா‌ர்.

இத‌ற்கு க‌‌‌ல்‌வி‌க் க‌ட்டண‌ம் கே‌ட்டு ஆ‌சி‌ரிய‌ர்க‌ள் ‌அ‌‌ந்த மாணவரை வீ‌ட்டி‌ற்கு அனு‌ப்‌பியதே கார‌ண‌ம் எ‌ன்று கரு‌தி ‌கிராம‌மக்க‌ள் ஒ‌ன்று ‌திர‌ண்டு ‌ப‌‌ள்‌ளி‌க் கூட‌த்‌தி‌ற்கு‌ ‌தீ வை‌த்தன‌ர்.

இதனா‌ல் ப‌ள்‌ளி‌க்கு சொ‌ந்தமான பேரு‌ந்துக‌ள், கா‌ர், க‌ணி‌னி ‌‌‌எ‌ன்று தீ‌யி‌ல் கரு‌கி சுமா‌ர் 3 கோடி ரூபா‌ய் ம‌தி‌ப்‌பிலான பொரு‌ட்க‌ள் நாசமா‌யின.

இத‌ற்கு க‌ண்டன‌ம் தெ‌ரி‌வி‌த்து த‌‌ர்மபு‌ரி, ‌கிரு‌ஷ்ண‌கி‌ரி மாவ‌ட்ட‌ங்க‌ளி‌ல் உ‌ள்ள அனை‌த்து மெ‌ட்‌ரி‌க் குலேச‌ன் ப‌ள்‌ளிகளு‌ம் நேற்று ஒருநா‌ள் மூட‌ப்ப‌ட்டன.

த‌னியா‌ர் ப‌‌ள்‌ளிகளு‌க்கு பாதுகா‌ப்பு இ‌ல்லாத சூ‌ழ்‌நிலை‌ ‌நிலவுவதை அரச‌ி‌ன் கவன‌த்‌தி‌ற்கு கொ‌ண்டு செ‌ல்ல இ‌ந்த போரா‌ட்ட‌ம் நடைபெறுவதாக மெ‌ட்ர‌ி‌க்குசேல‌ன் ப‌ள்‌‌ளிக‌ள் தர‌ப்‌பி‌ல் தெ‌ரி‌வி‌க்க‌ப்ப‌ட்டது.


போ‌ச்ச‌ம்ப‌ள்‌ளி ‌நிக‌ழ்வு போ‌ல் எ‌தி‌ர்கால‌த்த‌ி‌ல் நடைபெறாம‌ல் இரு‌க்க உ‌ரிய நடவடி‌க்கை எடு‌க்க‌ வே‌ண்டு‌ம் எ‌ன்று‌ம் ப‌‌ள்‌ளி ‌நி‌ர்வா‌கிக‌ள் கே‌ட்டு‌க் கொ‌ண்டன‌ர்.


‌தீ‌யி‌ல் கரு‌கியு‌ள்ள ஆ‌சி‌ரிய‌ர்க‌ள், மாணவ‌ர்க‌ள், ப‌ணியாள‌ர்க‌ளி‌ன் சா‌ன்‌றித‌ழ்களை பு‌தியதாக வழ‌ங்‌க மாவ‌ட்ட க‌ல்‌வி அ‌திகா‌ரிக‌ள் உடனடியாக நடவடி‌க்கை எடு‌க்க வே‌ண்டு‌ம் என‌்று‌ம் அவ‌ர்க‌ள் கே‌ட்டு‌க் கொ‌ண்டன‌ர்.


இந்நிலையில் நாளை தமிழகம் முழுவதும் திட்டமிட்டபடி நர்சரி மற்றும் பிரமைரி பள்ளிகள் மூடப்படுகின்றன.