டெல்லியில் ரூ.1600 கோடியில் 5 நட்சத்திர ஓட்டல்!

ரபீக் · ரபீக் Thu Sep 16, 2010 11:52 am

தலைநகர் டெல்லியில் நாட்டிலேயே அதிக பொருட்செலவில் உருவாகியுள்ள 5 நட்சத்திர ஓட்டல் திறக்கப்பட உள்ளது.

புதுடெல்லி சாணக்கியபுரியில் திறக்கப்ட உள்ள இந்த 5 நட்சத்திர ஓட்டல் கடந்த இரண்டு ஆண்டுகளுக்கு முன்பு கட்ட ஆரம்பிக்கப்பட்டது. சுமார் மூன்று ஏக்கர் நிலத்தில் ரூ700 கோடி செலவிடப்பட்டு பணிகள் தொடங்கின. 260 ஆடம்பர அறைகளை அங்குலம் அங்குலமாக செதுக்கி உருவாக்கியுள்ளனர். இதற்காக ரூபாஉ 900 கோடி செலவழிக்கப்பட்டுள்ளது. மொத்த செலவு ரூபாய் 1600 கோடி.

இதுதான் இந்தியாவிலேயே அதிக செலவில் உருவாக்கப்பட்ட ஆடம்பர ஓட்டல். வரும் அக்டோபர் 1&ம் தேதி டெல்லி முதல்வர் ஷீலா தீட்சித் ஓட்டலை திறந்து வைக்கிறார். அதிக மதிப்பில் உருவாகியிருந்தாலும் இன்னும் மூன்று வருடங்களில் போட்ட காசை எடுத்து விடுவோம் என்று கூறுகின்றனர் ஓட்டல் நிர்வாகத்தினர்.

இந்நேரம்