சோசிலாவதி கொலையில் திடுக்கிடும் தகவல்

**சிவா** · **சிவா** Thu 16 Sep 2010 - 13:33

கோடீஸ்வரி சோசிலாவதி மற்றும் அவருடன் சென்ற அவருடைய வழக்கறிஞர், வங்கி அதிகாரி, கார்ஓட்டுநரும் படுகொலை செய்யப்பட்ட விடயம் தற்போது பரபரப்பை ஏற்படுத்தியுள்ளது.

சோதிலாவதி மற்றும் இதர மூவரையும் கொலைசெய்து எரித்த பின் மோரிப் கடலில் கரைத்த சம்பவத்தில் நேரடி தொடர்புடைய டத்தோ அந்தஸ்தைக் கொண்ட பிரபல இந்திய வழக்கறிஞர் உட்பட எண்மரை காவல்துறையினர் கைதுசெய்து தடுத்துவைத்துள்ளனர். கடந்த ஆகஸ்ட் 30ஆம் தேதி சோசிலாவதி 40 லட்சம் வெள்ளியுடன் நிலம் ஒன்றை வாங்குவதற்காக சிப்பாங்கிற்கு சென்றிருக்கிறார்.

அதன் பின் சோதிலாவதி மற்றும் ஏனையோரை இரு வழக்கறிஞர் உட்பட எண்மர் கொண்ட கும்பல் கடத்தி கொலைசெய்யும் நோக்கத்துடன் சிப்பாங் மாவட்டத்திலுள்ள தஞ்சோங் சிப்பாட், காடோங்கிலுள்ள வழக்கறிஞருக்கு சொந்தமான தோட்டத்தில் அடைத்துவைத்து பின்னர் அவர்களை கத்தியால் வெட்டிகொலைசெய்துள்ளனர். அவர்கள் மரணிப்பதற்காக மரகட்டையால் அடித்த பின்னர் அவர்களை அந்த தோட்டத்தில் வைத்து எரித்து சாம்பலை கடலில் கரைத்துள்ளனர் என்று கைதானவர்களிடம் நடத்திய விசாரனையிலிருந்து தெரியவந்துள்ளதாக புக்கிட் அமான் சிஐடி இயக்குநர் டத்தோஸ்ரீ பக்ரி ஸினின் கூறினார்.

இக்கொலையில் நேரடி தொடர்புடைய முக்கிய சந்தேகநபர்களான டத்தோ அந்தஸ்துடைய வழக்கறிஞரும் அவருடைய சகோதரரும் சோசிலாவதியின் லட்சக்கணக்கான வெள்ளி மதிப்புள்ள நில விவகாரங்களை கவனித்துவந்துள்ளார்கள் எனவும் இந்த இரண்டு வழக்கறிஞர்களுக்கு சோசிலாவதி மீது வர்த்தகப் பொறாமை ஏற்பட்டதால் தான் இந்த திட்டமிட்ட கொடூர கொலை இடம்பெற்றிருக்ககூடும் என சந்தேகிப்பதாக பக்ரி குறிப்பிட்டார். எனினும் மேலதிக தகவல்களை பெறும்பொருட்டு அவர்களை விசாரனைக்குட்படுத்தியிருப்பதாக அவர் மேலும் தெரிவித்தார்.

இக் கொலைக்கு பயன்படுத்தப்பட்ட கத்தி கண்டெடுக்கப்பட்டதுடன் சில எழும்பு துண்டுகள் என சில தடயங்களை காவல்துறையினர் கைப்பற்றியுள்ளனர்.

இதற்கிடையில் சோசிலாவதியின் மறைவை குடும்ப உறுப்பினர்கள் ஏற்றுக்கொண்டுள்ளனர். மீட்கப்பட்டிருப்பது உண்மையிலேயே என் தாயாரின் சடலம்தான் என்று நானே நேரில் சென்று காணவேண்டும் எனறு சோசிலாவதியின் நான்காவது மகளான ரீனா கூறினார்.

செம்பருத்தி