(Hawk Eye Technology)கழுகு கண் தொழிற்நுட்பம் என்றால் என்ன?

by siva1984 Thu Sep 16, 2010 7:57 am

கழுகு கண் தொழிற்நுட்பம் நான்கு அதி வேக புகைப்பட கருவிகளை வேறு வேறு இடத்தில் வைத்து இயக்கி அதிலிருந்து பெறப்பட்ட படங்களை முக்கோண உருவாக்கம் (Triangulation) முறைப்படி கணக்கிட்டு பயன்படுத்தக்கூடிய தொழிற்நுட்பத்தில் உருவாக்கப்பட்ட மென்பொருளின் உதவியுடன் பந்துகள் விழுந்த இடத்திலிருந்து எங்கெல்லாம் செல்ல வாய்ப்புகள் இருக்கின்றன என்பதை கணக்கிட்டு படங்களாக வெளியிடுகின்றன. படத்தொகுப்புகள் அதி வேக புகைப்பட கருவிகள் மூலம் எடுக்கப்படுவதால் மிகத்துள்ளியமாக பந்து விழுந்த இடத்தை படம் பிடித்துக் கொடுக்கிறது. டென்னிஸ் ஆட்டத்தில் இந்த கழுகு கண் தொழில்நுட்ப முறை பல நேரங்களில் விளையாட்டு வீரர்களுக்கு பந்து கோட்டை தொட்டு சென்றால் அது அவுட்' டா இல்லையா என்ற சந்தேகத்தில் உதவியுள்ளது.

பந்தின் விட்ட அளவை பொருத்தும் இந்த முக்கோண உருவாக்க முறையில் கணக்கீடு செய்வதால் பூச்சிய புள்ளியிடங்களில் பிழை ஏற்பட வாய்ப்பிருக்கிறது என்பதும் இதில் உள்ள ஒரு எதிர்மறையான விஷயம். இருந்தாலுமே அந்த பிழையின் அளவு மிக மிக சிறிய அளவில் இருப்பதால் அதை பெரிது படுத்தாமல் மேலும் பல வழிகளில் இது உதவியாகவும் உடனுக்குடன் தேவையான படத்தொகுப்புகளை நடுவர்களுக்கும் பார்வையாளர்களுக்கும் கொடுப்பதாலும் இதனை தொடர்ந்து பயன்படுத்துவதில் எந்த எதிர்ப்பும் வரவில்லை எனலாம்.

இதனை சேனல் 4 முதன் முதலில் 2001 ஆம் வருடம் இங்கிலாந்திற்கும் பாக்கிஸ்தானிற்கும் இடையே நடந்த கிரிக்கெட் போட்டியில் உபயோகப்படுத்தியது. கிரிக்கெட் டில் பொதுவாக LBW “OUT” ' கொடுக்கப்படும் இடங்களில் மைதானத்தில் உள்ள நடுவர்களுக்கு சரியான முடிவை அறிவிக்க முடியாதபட்சத்தில் மூன்றாவது நடுவருக்கு அனுப்பட்டு அவரின் முடிவு இறுதியாக அளிக்கப்படும். மூன்றாவது நடுவர் இந்த கழுகு கண் தொழிற்நுட்ப வசதியுடன் பந்து விழுந்து எகிறி மட்டை வீச்சாளரின் (BatsMan) கால்களில் பட்டதா மட்டையில் பட்டதா பந்து பிட்ச் ஆன இடம் அது சென்று ஸ்டெம்பைத் தாக்குமா என்பது வரையில் துள்ளியமாக கவனித்து ஆட்டக்காரர் ஆட்டத்தை இழந்தாரா இல்லையா என்று அறிவிப்பார். நாம் இதனை 'மானிட்டர் பார்த்து' என்று மிக எளிதாக நினைத்துக்கொண்டாலும் இதற்கு பின்னால் கழுகு கண் தொழில்நுட்பமே வேலை செய்கிறது.

பிற்பாடு கிரிக்கெட் டென்னீஸ் இரண்டு விளையாட்டிலுமே இந்த தொழிற்நுட்பத்தை பயன்படுத்தி பிடிக்கும் படங்கள் தனிப்பட்ட முறையில் வீரர்களின் விளையாட்டு திறனை ஆராய்ந்து கொள்ளவும் அவர்கள் செய்யும் தவறுகளை துள்ளியமாக கவனித்து சரி செய்து க்கொள்ளவும் பயன்படுகிறது என்பது குறிப்பிடத்தக்கது.இது தவிர்த்து ஸ்னூக்கர் விளையாட்டிலும் இது பயன்படுத்தப்பட்டு வருகிறது.

Hawk Eye Technology என்பது கணினியில் அதற்கென பிரத்யேகமாக தயாரிக்கப்பட்ட மென் பொருளின் உதவிக்கொண்டு கணக்கிட்டு செய்யக்கூடியது. இதனை Hawk-Eye Innovations Ltd என்ற கம்பெனி ஆரம்பித்து செய்துவருகிறது. இதனை Roke Manor Research Limited ஐ சேர்ந்த Romsey,Hampshire என்ற இரண்டு பொறியாளர்கள் உருவாக்கி இருக்கிறார்கள். அதற்கான காணொலி செயலி (Video Processor) யை Dr Paul Hawkins and David Sherry என்ற விஞ்ஞானிகள்தயாரித்துள்ளனர்

by புவனா Thu Sep 16, 2010 9:00 am

by siva1984 Thu Sep 16, 2010 9:25 am

by கார்த்திக் Thu Sep 16, 2010 9:26 am

நன்றி சிவா

by fleximan Thu Sep 16, 2010 10:00 am

தகவலுக்கு நன்றி....

by siva1984 Thu Sep 16, 2010 8:13 pm

karthikharis wrote:நன்றி சிவா

by **T.N.Balasubramanian** Fri Sep 17, 2010 12:19 am

மிகவும் பயனுள்ள தகவல். ரொம்ப நாட்களாக எனக்கு இருந்த சந்தேகம் விலகியது. நான் சந்தித்து கேட்ட ஆட்கள் எல்லாம் ,ஒரு கேமரா மூலம் எடுத்து காட்டப் படுவதாகத்தான் கூறினார்கள்.
நன்றி, சிவா.(1984 )

ரமணீயன்.

by siva1984 Fri Sep 17, 2010 7:18 pm

T.N.Balasubramanian wrote:மிகவும் பயனுள்ள தகவல். ரொம்ப நாட்களாக எனக்கு இருந்த சந்தேகம் விலகியது. நான் சந்தித்து கேட்ட ஆட்கள் எல்லாம் ,ஒரு கேமரா மூலம் எடுத்து காட்டப் படுவதாகத்தான் கூறினார்கள்.
நன்றி, சிவா.(1984 )

ரமணீயன்.

நன்றி உங்கள் கருத்துக்கு