மருத்துவமனை

Ravi · Ravi Wed Sep 15, 2010 6:44 pm

வரிசையாய் நிற்கும்
நோயாளிகளின் வலி கூட்டும்
நிர்வாகம்
தெய்வம் வந்து தாங்கிடாத
பொழுதுகளில் -
மனிதனை உயிர்ப்பிக்கும் விஞ்ஞான வளாகம்!
பணம் போட்டு
நலம் காக்கும்
பொதுசேவை வியாபாரம்
பணம் தாண்டியும்
மனிதம் சுரப்பிக்கும் கடவுள்கள்
மருத்துவர்களாக மாறிய இடம்!
உயிரோடு
விளையாடி -
தொழில் கற்கும் ஏகாந்தம்
உயிர் கொடுத்தும்
உயிர் காக்கும் -
மதம் தாண்டிய மருத்துவாலயம்!
ஏழைகளின் உயிர் வருத்தியும்
உயிர் காத்தும் வளரும் -
செங்கல், மண் கட்டிடம்
எத்தனையோ பணக்கார மருத்துவர்கள்
இரவு பகலை தொலைத்து -
மருத்துவம் பார்க்கும் மனிதநேய மண்டபம்!
சகோதரிகளின்
கவனக் குறைவால் -
உயிர் தின்னும் பொழுதுபோக்கிடம்
மருத்துவரில்லாத அவசரத்தில்
உயிர் காத்த - செவிலித் தாய்களின்
அன்பு பூக்கும் தளம்!
இவை எல்லாம் கடந்து -
எத்தனையோ அலறல்களும்
கண்ணீர் கதறல்களும் -
உயிர்பிரிந்த கணப் பொழுதுகளும்
ஒரு ரசாயன மனமாய் காற்றில் கலந்து
காற்றாக மாறிய இடம்! என்ன?

புவனா · புவனா Thu Sep 16, 2010 8:16 am

மருத்துவமனை

மருத்துவமனை

Re: மருத்துவமனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக