காதலன் வருவேன் காத்திரடி!

**kirikasan** · **kirikasan** Wed Sep 15, 2010 10:04 pm

பச்சை படர்ந்த புல்வெளியும்
பனிந்நீர் தூங்கிய அதனிதழும்
இச்சையுடன் நீ பக்கமதில்
இருந்ததை எழுந்து கூறாதோ

கொத்து மலர்களின் தோட்டமென
கோடிநிலவுகள் கூட்டமென
நித்தம் அருகினில் நீ இருந்தாய்
நினைவுகள் மீண்டும் வாராதோ

வெற்று விண்ணிலே என்னையும் நீ
விட்டுச் சென்றது எங்கே சொல்
உற்று நோக்கிடும் உன்விழிகள்
உயரச் சென்றது உண்மையெனில்

பஞ்சுபோன்றோர் வெண்மேகம்
பரந்த நீலப் பிரபஞ்சம்
விஞ்சும் எழில்வான் விரிதிசைகள்
எங்கும் நீயே நீயேதான்

நின்னை பிரிந்து நானொருவன்
நித்திலம் வாழுதல் நேர்ந்திடுமோ
கண்ணை விழித்துப் பார்ப்பவளே
காதலன் வருவேன் காத்திரடி

புவனா · புவனா Thu Sep 16, 2010 4:01 am

"நின்னை பிரிந்து நானொருவன்
நித்திலம் வாழுதல் நேர்ந்திடுமோ
கண்ணை விழித்துப் பார்ப்பவளே
காதலன் வருவேன் காத்திரடி "

மகிழ்ச்சி

காதலன் வருவேன் காத்திரடி!

காதலன் வருவேன் காத்திரடி!

Re: காதலன் வருவேன் காத்திரடி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக