ரூ. ஆறு லட்சம் கோடி இந்திய பணம் வெளிநாடுகளில் முடக்கம்

“கடந்த 2000 முதல் 2008ம் ஆண்டு வரை, சட்டவிரோதமாக ஆறு லட்சம் கோடி ரூபாய் இந்திய பணம் வெளிநாடுகளில் முடக்கி வைக்கப்பட்டுள்ளது. அதேநேரம், இந்தியாவில் சமூக ஏற்றத்தாழ்வும் அதிகரித்து வருகிறது’ என, அமெரிக்காவைச் சேர்ந்த ஆய்வு அமைப்பு ஒன்று தெரிவித்துள்ளது.

அமெரிக்கத் தலைநகர் வாஷிங்டனில் இயங்கி வரும், “க்ளோபல் பைனான்ஷியல் இன்டெக்ரிட்டி’ என்ற ஆய்வு மற்றும் ஆலோசனை அமைப்பு, இந்தியாவில் இருந்து சட்டவிரோதமாக வெளிநாடுகளுக்குக் கடத்தப்படும் இந்தியப் பணம் மற்றும் இந்தியச் சமூக ஏற்றத்தாழ்வு குறித்து ஆய்வு செய்துள்ளது.

இதுகுறித்து, அந்த அமைப்பின் இணையதளத்தில் கூறப்பட்டிருப்பதாவது: இந்தியாவின் ஆறு லட்சம் கோடி ரூபாய் பணம், சட்டவிரோதமாக வெளிநாடுகளுக்குக் கடத்தப்பட்டு முடக்கி வைக்கப்பட்டுள்ளது. இந்த கடத்தலில் அந்நாட்டில் வளர்ந்து வரும் ஊழலும், கறுப்பு பொருளாதாரமும் முக்கியப் பங்கு வகிக்கின்றன. கடந்த 2004ல் இருந்து 2009 வரை, இந்தியாவின் பொருளாதார வளர்ச்சி சராசரியாக 8 சதவீதமாக இருந்துள்ளது. அதே நேரம், ஏழைகள் தொடர்ந்து ஏழைகளாகவே உள்ளனர். ஊழலில் திளைக்கும் அரசியல்வாதிகளும், தனியார் துறை அதிகாரிகளும், மக்கள் நலன் என்ற பெயரில் ஊழல் செய்த பணத்தை அரசியலிலும், தனியார் துறையிலும் திருப்பி விடுகின்றனர். இந்தியாவின் பொருளாதார வளர்ச்சி, சமமான வளர்ச்சியாக இல்லை. அதன் மொத்த உள்நாட்டு உற்பத்தி வளர்ச்சி (ஜி.டி.பி.,) விகிதம் அதிகரிக்கும் போது, தனிநபர் வருமானத்திலும் ஏற்றத்தாழ்வு அதிகரிக்கிறது.

கடந்த 2000 முதல் 2005 வரையில், இந்த வருமான ஏற்றத்தாழ்வு, 0.32 சதவீதத்திலிருந்து அதிகரித்து தற்போது 1 சதவீதமாக உயர்ந்துள்ளது. உலகத்தில் ஊழலில் திளைக்கும் 180 நாடுகளில் இந்தியா 84வது இடத்தில் இருக்கிறது. ஊழல் தொடர்ந்து கொண்டே இருந்தால் அது நாட்டை முடக்கும். தடையற்ற சுயேச்சையான கண்காணிப்பு மற்றும் ஊழல் செய்தோருக்கு தண்டனை வழங்கும் நிர்வாகத் திறனையும் முடக்கி விடும். யாருக்கு பொருளாதார வளர்ச்சி தேவையோ அந்த பெரும்பான்மை இந்தியர்களுக்கு அந்த வளர்ச்சி சென்று சேருவது ஊழல் அதிகரிப்பால் தடுக்கப்படும். இவ்வாறு அந்த இணையதளத்தில் குறிப்பிடப்பட்டுள்ளது.

எல்லாம் நம்ம பணம், திருப்பி கொண்டுவர துப்பில்லாத அரசியல்வதிகள், இது இந்தியாவின் சாபக்கேடு.....

இந்த அளவு பணமா சான்சே இல்ல .இதோடு அதிகமாத்தான் இருக்கும் .

sathyan wrote:இந்த அளவு பணமா சான்சே இல்ல .இதோடு அதிகமாத்தான் இருக்கும் .

2009 ல இவ்ளோதான் இருக்கு

[quote="karthikharis"]

sathyan wrote:இந்த அளவு பணமா சான்சே இல்ல .இதோடு அதிகமாத்தான் இருக்கும் .

2009 ல இவ்ளோதான் இருக்கு [/கியோட்

அப்படியா