எதிர்பாராத சிரமங்களை தவிர்க்க எதிர்பாக்கும் சிரமங்களை ஏற்றுக்கொள்ளுங்கள்

by kirupairajah Sun Aug 02, 2009 4:24 pm

சின்ன வண்டு கூட்டில் இருந்து வெளியேறும் போது அவஸ்தையுடன்தான்
பயணத்தை ஆரம்பிக்கிறது. இதை மாணவர்கட்கு உண்ர்த்த ஆசிரியர் ஓர்
வளி செய்தார். கூட்டிலிருந்து அது வெளியேறும் துயரத்தை பார்க்கட்டும் என்று
மாணவர்கள் மத்தியில் விட்டுவிட்டு வெளியே போனார். அது கூட்டிலிருந்து
வருவதர்க்கு படும் வேதனையை பார்த்து ஒரு மாணவன் அதர்க்கு உதவி செய்வதாக நினைத்துக்கொண்டு அது வெளியேறும் ஓட்டையை பெரிது படுத்தினான். அது சுலபமாக வெளியேறியது. மாணவன் மகிழ்ந்தான், ஆனால் வண்டு மகிழவில்லை

வெளியே வந்ததும் அதனால் பறக்க முடியவில்லை. ஏன்? அதனால் சிறகுகளை
அசைக்கக்கூட முடியவில்லை. செய்தி அறிந்த ஆசிரியர் காரணத்தைக் கண்டு
பிடித்தார். கூட்டிலிருந்து சிறிய தூவாரத்தினூடாக சிரமப்பட்டு வெளியேற
முயர்ச்சி செய்த போதுதான். அதன் சிறகுகளை அது அசைக்க பழகுகிறது.
அதற்கு வாய்ப்பே இல்லாமல் போனதால் அதன் சிறகுகளை அசைக்க தெரியவில்லை

சிரமங்கள் நம்மை வலுப்படுத்துகின்றன, பலப்படுத்துகின்றன. துயரங்கள் நம்மை
உருவாக்குகின்றன. எதிர்பாராத சிரமங்களை தவிர்க்க எதிர்பாக்கும் சிரமங்களை
ஏற்றுக்கொள்ளுங்கள். வெற்றி நிச்சயம்