இதுவும் காதல் தான்! 1

nilaaa · nilaaa Tue Sep 14, 2010 6:50 pm

ஒரு காதல் தினத்தின் பொது எழுதிய கவிதை
===============================================

காதலால் தான் மேதினி இயங்கும்!
ஆதலால் காதல் வாழட்டும்
காதல் தினமும் வாழட்டும்
காதல் தின வாழ்த்துக்களே!

ஓடுகின்ற பேரூந்தில்
நாடுகின்ற கண்களால்
பாடுகின்ற பல்லவிகளும்
காதல் தான்!

நெரிசலின் இடையினில்
கரிசனமாய் கண்களும்
தரிசனம் கொள்வதால் - தாளாது துடிப்பதும்
காதல் தான்!

============= தொடரும்

nilaaa · nilaaa Tue Sep 14, 2010 6:53 pm

முன்வீட்டினில் மாலினியை
பின்வீட்டினில் பிருந்தாவை
எந்நேரமும் கண்ணடிப்பதும்
காதல் தான்!

குறுக்கிடும் அழைப்பினில்
திடுக்கிடும் தேன்குரலால்
பளிச்சிடும் பகற்கனவுகளும்
காதல் தான்!

எத்தனை ஆண்டுகள்
பத்தெனக் கழிந்தாலும் - காத்திருந்து
சித்திரத்தாள் கரம்பிடித்தலும்
காதல் தான்!

குணமென்ன குணம் பணந்தான் குறியென
தினம் தினம் மாறிடும்
அணங்குகள், ஆடவரை அலையவே வைப்பதும்
காதல் தான்!

=============== தொடரும்

nilaaa · nilaaa Tue Sep 14, 2010 6:55 pm

கரம் பிடிப்பேன் கண்மணியே
கணமும் ஓதுபவன்
கடல் கடந்ததுவும் கட்சிகள் மாறுவதும்
காதல் தான்!

கணனியில் கருத்துகள்
பிணைந்ததே! பிரிவதேன்? - இணையத்தில்
இணைந்திடும் இதயங்கள்
இனிமையில் திளைப்பதும்
காதல் தான்!

எந்தனது உள்ளமோ
இதமாய் இயம்புவதோ
கவிதை சமன் காதல்!
காதல் சமன் கவிதை!
இதுவும் காதல் தான்!

=================== எது ?? காதல் ===============

சபீர் · சபீர் Tue Sep 14, 2010 6:58 pm

குணமென்ன குணம் பணந்தான் குறியென
தினம் தினம் மாறிடும்
அணங்குகள், ஆடவரை அலையவே வைப்பதும்
காதல் தான்!

நிஜத்தை கவிதைவரிகளாக்கித்தந்த நிலாக்காவுக்கு அன்பு பாராட்டுக்கள்