கோவில், சர்ச் கட்டலாம் என்றால் மசூதி கட்டக் கூடாதா?-ஒபாமா

ஒரு இந்துக் கோவிலை, ஒரு சர்ச்சை, ஒரு யூத ஆலயத்தைக் கட்டலாம் என்றால் ஏன் ஒரு மசூதி கட்டுவதற்கு நாம் எதிர்ப்பு தெரிவிக்க வேண்டும் என்று கேட்டுள்ளார் அமெரிக்க அதிபர் பராக் ஒபாமா.

அமெரிக்காவின் நியூயார்க் நகரில் இருந்து வந்த உலக வர்த்தக மையத்தின் இரட்டை கோபுர கட்டடங்கள் விமானம் கொண்டு தீவிரவாதிகளால் தகர்க்கப்பட்டதன் 9வது நினைவு தினம் இன்று அனுசரிக்கப்படுகிறது.

இரட்டைக்கோபுரம் இருந்த இடத்திற்கு அருகே ஒரு இஸ்லாமிய வழிபாட்டு மையம் கட்டப்படவுள்ளது. ஆனால் இதற்கு அமெரிக்கர்களிடையே கடும் எதிர்ப்பு கிளம்பியது. ஆனால் அதிபர் ஒபாமா, நிச்சயம் அங்கு மசூதி கட்டப்படும் என்று கூறி வருகிறார்.

இந்த நிலையில் இரட்டைக் கோபுர தாக்குதல் சம்பவ நினைவு தினத்தையொட்டி அவர் நாட்டு மக்களுக்கு உரையாற்றினார். அப்போது ஒபாமா கூறியதாவது...

நியூயார்க் மசூதி விவகாரம் குறித்து நான் ஒன்றை தெளிவுபடுத்த விரும்புகிறேன்.

நாட்டின் ஒவ்வொரு குடிமகனுக்கும், அவரது மதத்தை சுதந்திரமாக பின்பற்ற அனைத்து உரிமைகளும் உள்ளது என்பதில் ஆழ்ந்த நம்பிக்கை கொண்டுள்ளது அமெரிக்கா .

இந்த பூமியில் உருவாக்கப்பட்ட அனைத்து ஆண்களும், பெண்களும் சமமானவர்களே. அனைவருக்கும் சம உரிமைகள் உள்ளன. அனைவரும் அவரவர் மதத்தை சுதந்திரமாக கடைப்பிடிக்கலாம்.

ஒரு இடத்தில் உங்களால் சர்ச் கட்ட முடியும்போது, ஒரு யூத ஆலயம் கட்ட முடிகிறபோது, ஒரு இந்துக் கோவிலை கட்ட முடியும் என்கிறபோது, ஏன் ஒரு மசூதியையும் கட்ட முடியாது.

செப்டம்பர் 11 சம்பவத்தில் பலியான அனைவருக்காகவும் நான் அனுதாபப்டுகிறேன். அவர்களது குடும்பங்களைச் சேர்ந்தவர்களை நான் முன்பு சந்தித்துள்ளேன். அவர்களது இழப்பும், துயரமும் நீண்டது, அவ்வளவு சீக்கிரம் அடங்க முடியாதது என்பதை நான் உணர்கிறேன், அவர்களது சோகத்தில் நானும் பங்கேற்கிறேன். அனைத்து அமெரிக்கர்களும் இந்தசோகத்தில் பங்கேற்கின்றனர் என்றார் ஒபாமா

நன்றி தட்ஸ்தமிழ்

அவரு கேட்பதும் நாயம் தானே ..



நன்றி தோழரே

வாஷிங்டன் : செப்டம்பர் 11 அன்று இரட்டை கோபுர தாக்குதல் நடந்த இடத்தில் மசூதி கட்ட திட்டமிட்டுள்ளதற்கு தீவிர கிறித்துவ, யூத குழுக்கள் எதிர்ப்பு தெரிவித்துள்ளதும் மசூதி கட்ட வேண்டும் என்று முஸ்லீம் குழுக்களும் போராடி வருவதும் வாசகர்கள் அறிந்ததே.

இச்சூழலில் அமெரிக்க அதிபர் ஒபாமா செப்டம்பர் 11 தாக்குதலின் 9வது நினைவு தினத்தை முன்னிட்டு அமெரிக்க மக்களுக்கு ஆற்றிய உரையில் செப்டம்பர் 11 தாக்குதலில் பலியானவர்களின் குடும்பத்தின் வலியை தாம் உணர்வதாகவும் அவர்களுக்காக தாம் பிராத்திப்பதாகவும் கூறினார்.

அதே சமயத்தில் அமெரிக்காவில் வாழும் எம்மதத்தவரும் தாங்கள் விரும்பிய மதத்தை பின்பற்றுவதற்கு முழு உரிமை உள்ளது என்று தான் நம்புவதாகவும் இரட்டை கோபுர தாக்குதல் நடந்த இடத்தில் கிறிஸ்துவர்கள் சர்ச் கட்டும் போது, யூதர்கள் சினாகாக் கட்டும் போது, இந்துக்கள் கோவில் கட்டும் போது முஸ்லீம்கள் மசூதி கட்டுவதில் எத்தவறும் இல்லை என்றும் ஓபாமா கூறியுள்ளார். ஏற்கனவே ஒபாமா முஸ்லீமா எனும் சர்ச்சை ஓயாத நிலையில் ஒபாமாவின் இப்பேச்சு பரபரப்பை அதிகப்படுத்தியுள்ளது.

முதல் செய்தியின் தலைப்புக்கும், இரண்டாவது செய்தியின் தலைப்புக்கும் உள்ள வித்தியாசத்தைப் பாருங்கள்!

மதத் துவேசம் பளிச்சிடுகிறது! இறைவா இவர்களைக் காப்பாற்று!

செய்திகளைத் திரித்து எழுதிப் புகழ் பெறும் பத்திரிகையாளர்கள் வாழ்க !

எல்லாம் அரசியல் .

kalaimoon70 wrote:எல்லாம் அரசியல் .