நடிகர் சிரஞ்சீவி ஹைதராபாதில் கைது!

masthan · masthan Tue Sep 14, 2010 5:17 pm

ஹைதராபாத்: ஹைதராபாதில் ஆர்ப்பாட்டம் நடத்திய பிரஜா ராஜ்யம் கட்சித் தலைவரும் தெலுங்கு நடிகருமான கே.சிரஞ்சீவி திங்கள்கிழமை கைது செய்யப்பட்டார். அவருடன் கட்சித் தொண்டர்களும் கைது செய்யப்பட்டனர்.

ஆந்திர மாநில தொழிற்சாலைகளுக்கு என கடந்த 6 ஆண்டுகளாக கையகப்படுத்தப்பட்ட ஆயிரக்கணக்கான ஏக்கர் நிலங்கள், சட்ட விதிகளை காற்றில் பறக்கவிட்டு தொழில் நிறுவனங்களுக்கும் ரியல் எஸ்டேட் தொழிலதிபர்களுக்கும் கொள்ளை லாபத்தில் விற்பனை செய்யப்பட்டுள்ளன. இதுபற்றி சிபிஐ விசாரணை நடத்தவேண்டும் என்று தர்னா போராட்டத்தில் பங்கேற்ற சிரஞ்சீவி தெரிவித்தார்.

முன்னதாக, இது தொடர்பாக நேரில் சந்தித்து மனு அளிப்பதற்காக அந்த அலுவலகத்துக்குள் நுழைய சிரஞ்சீவி முற்பட்டார். ஆயினும் அதற்குள் காவல்துறையினர் தடுத்து நிறுத்தினர்.தெலங்கானா மாணவர்கள் கூட்டு நடவடிக்கைக் குழுவினர் பிரச்னை ஏற்படுத்த முன் வரக்கூடும் என்பதால் இந்த போராட்டத்துக்கு காவல்துறையினர் அனுமதி தரவில்லை. ஆனால் அதற்கு அஞ்சாத சிரஞ்சீவி போராட்டத்தில் பங்கேற்றார்.

இதையடுத்து சிரஞ்சீவியை கைது செய்த காவல்துறையினர் காவல் நிலையத்துக்கு அழைத்துச் சென்றனர். இந்த போராட்டத்தில் கட்சியின் மூத்த தலைவர்கள் பங்கேற்றனர்.