தென்சென்னையில் தான் அதிக அளவு விபத்துக்கள்

கார்த்திக் · கார்த்திக் Tue Sep 14, 2010 3:09 pm

தென்சென்னையில் தான் அதிக அளவு விபத்துக்கள் நடப்பதாக, சென்னை போலீஸ் கமிஷனர் ராஜேந்திரன் கூறியுள்ளார்.

சென்னையில் இன்று செய்தியாளர்களிடம் பேசிய அவர்,

சென்னையில் போக்கு வரத்து போலீசாரின் பயன் பாட்டுக்காக ரூ.22 லட்சம் மதிப்பில் நவீன வாகனங்கள் மற்றும் கருவிகள் வாங்கப்பட்டுள்ளன. போக்குவரத்து விழிப்புணர்வை ஏற்படுத்தும் வகையில் ரூ.13 லட்சம் மதிப்பில் 2 பிரசார வாகனங்கள் வாங்கப்பட்டுள்ளன.

இந்த வாகனத்தில் விபத்துக்களை தடுப்பது குறித்த குறும் படங்களும் போட்டு காண்பிக்கப்படும். இது தவிர உறுதியான சாலை தடுப்புகளும் வாங்கப்பட்டுள்ளது.

குடிபோதையில் வாக னம் ஓட்டுபவர்களை கண்டு பிடிக்க 119 நவீன கருவிகள் வாங்கப்பட்டுள்ளது. குடித்து விட்டு வாகனம் ஓட்டுபவர்களை நிறுத்தி அந்த கருவியில் ஊத சொன்னால் போதும். அவர்களது ரத்தத்தில் எவ்வளவு ஆல்கஹால் கலந்து இருக்கிறது என்பதை காட்டி கொடுத்து விடும்.

கடந்த 8 மாதத்தில் சாலை விதிகளை மீறியதாக 8 லட்சத்து 11 ஆயிரம் வழக்குகள் பதிவு செய்யப்பட்டுள்ளது. ரூ.6 கோடியே 6 லட்சம் அபராத தொகையாக வசூல் செய்யப்பட்டுள்ளது.

விதிமுறைகளை மீறிய 700 பேரின் லைசென்சை ரத்து செய்ய பரிந்துரைக்கப்பட்டுள்ளது. இதில் 180 பேர் லைசென்சு ரத்தாகி உள்ளது. போக்குவரத்து விதிமுறைகளை மீறிபவர்களை கண்டுபிடிக்க சிக்னல்களில் கண்காணிப்பு கேமிரா பொருத்தப்பட்டுள்ளது. இதில் 22 ஆயிரம் பேர் சிக்கியுள்ளனர்.

விபத்துக்களை பொறுத்தவரை கடந்த 8 மாதத்தில் 34 நாட்கள் விபத்தில்லாத நாட்களாக முடிந்து உள்ளது. அது எந்தெந்த நாட்கள் என்பதை கண்டுபிடித்து விபத்துக்களை குறைக்க நடவடிக்கை எடுக்கப்படும். தென்சென்னையில் தான் அதிக அளவு விபத்துக்கள் நடைபெறுகிறது என்றார்.

தென்சென்னையில் தான் அதிக அளவு விபத்துக்கள்

தென்சென்னையில் தான் அதிக அளவு விபத்துக்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக