இவர் சொல்வது உண்மைதானா?

இலங்கையில் நடந்த துயர சம்பவங்கள், என் மனதை மிகவும் பாதித்துவிட்டன. இதனால்தான் ஆஸ்கர் விருதுக்குப் பிறகு சில விழாக்களைத் தவிர, வேறு எதிலும் நான் பங்கேற்கவில்லை.

ஒரு பக்கம் நமது சகோதரர்கள் துன்பப்பட்டுக் கொண்டிருக்க, நமக்கு எதற்கு ஆடம்பர விழாக்கள்?, என்றார் இசை அமைப்பாளர் ஏஆர் ரஹ்மான் உருக்கமாக.
அண்ணா பல்கலைக்கழகத்தின் சார்பில் சனிக்கிழமை நடைபெற்ற சிறப்பு பட்டமளிப்பு விழாவில் ரஹ்மானுக்கு, கௌரவ டாக்டர் பட்டத்தை தமிழக ஆளுநர் பர்னாலா வழங்கினார்.

பட்டத்தை பெற்றுக் கொண்ட ரஹ்மான் தனது ஏற்புரையில் இப்படிக் குறிப்பிட்டார்:
இலங்கையில் நடந்த வன்முறை சம்பவங்கள் எனது மனதை மிகவும் பாதித்தன.
திரையுலகின் மிகப் பெரிய ஆஸ்கார் விருது பெற்ற பின்னரும், கடந்த 2 மாதங்களாக எந்த விழாவிலும் நான் பங்கேற்பதைத் தவிர்த்து வந்தேன்.
ஒரு பக்கம் நம் சொந்த சகோதரர்கள் இப்படி கஷ்டப்பட்டுக் கொண்டிருக்கும்போது, நமக்கு எதற்கு இந்த ஆடம்பர விழாக்கள் என்றே தவித்தேன். அவர்கள் மீ்ண்டும் மகிழ்ச்சியான சூழலில் வாழ வேண்டும்.

அமெரிக்காவுக்குச் சென்று இசையமைப்புப் பணிகளில் ஈடுபட்டு திரும்பிய எனக்கு கௌரவ டாக்டர் பட்டத்தை அளித்தது மிகவும் மகிழ்ச்சி அளிக்கிறது.
இந்த விழாவில் தமிழ்த்தாய் வாழ்த்து ஒலித்ததைக் கேட்டபோது என் மீது முத்து மழை பொழிந்தது போன்ற உணர்வு ஏற்பட்டது,” என்றார் ரஹ்மான்.
விழாவில் ரஹ்மானின் தாய் மற்றும் உறவினர்கள் பங்கேற்றனர்.

இதே விழாவில், சந்திராயன்-1 விண்கலத்தை வடிவமைத்த இஸ்ரோ விஞ்ஞானி மயில்சாமி அண்ணாத்துரைக்கும் டாக்டர் பட்டம் வழங்கப்பட்டது

ஆஸ்கார் விழாவில் விருது வாங்கும்பொழுது இந்தக் கருத்தை தெரிவித்திருந்தால் இன்னும் சிறப்பாக இருந்திருக்கும் டாக்டர் ரஹ்மான்.

வணக்கம் வாங்க
நலமா

சிவா wrote:ஆஸ்கார் விழாவில் விருது வாங்கும்பொழுது இந்தக் கருத்தை தெரிவித்திருந்தால் இன்னும் சிறப்பாக இருந்திருக்கும் டாக்டர் ரஹ்மான்.

அவர் அங்கு அரசியலுக்கு அப்பாற்பட்டவர் என்று கூறியிருந்தாரே. இதுவும் உண்மையா

இவருக்கும் அரசியலுக்கும் அவ்வளவாக தொடர்பில்லை. அரசியல் தொல்லைகளினால்தான் மனிதர் லண்டனில் குடியேறிவிட்டார்!

சிவா wrote:ஆஸ்கார் விழாவில் விருது வாங்கும்பொழுது இந்தக் கருத்தை தெரிவித்திருந்தால் இன்னும் சிறப்பாக இருந்திருக்கும் டாக்டர் ரஹ்மான்.

ம்..

சிவா wrote:ஆஸ்கார் விழாவில் விருது வாங்கும்பொழுது இந்தக் கருத்தை தெரிவித்திருந்தால் இன்னும் சிறப்பாக இருந்திருக்கும் டாக்டர் ரஹ்மான்.

ஆமாம் , அப்போதே இதை சொல்லியிருந்தால் அனைத்து உலக நாடுகளுக்கும் தமிழின அழிப்பு செய்தி சென்றிருக்கும். அதை விட்டு விட்டு இப்போது சொல்லி என்ன பயன், விஜயகாந்த் பிறந்தநாள் கொண்டாட மாட்டேன் என்று சொன்னதை போல் தான் இதுவும்