காதல் எனும் தாகம்

**kirikasan** · **kirikasan** Mon 13 Sep 2010 - 1:13

குழல்நாதம் மணியோசை குரலீது அன்றோ
குறுமணியென் னசையுவிழி குறுகுறுத்த வண்டோ
அழல்மீறும் உடல்கருகும் ஆக்கியதும் இவளோ
அருகில்வர இவையழிந்து ஆவல்கொள்ளு துளமோ

மழைபொழிய நதிபொங்கும் மனதிலுணர் வதுவோ
மதுமலரும் இவள்மேனி மணங்காண விழுமோ
குழையுமிவள் குரல்கேட்டுகூவுமொரு குயிலோ
கயல்துள்ளி விழிகண்டு வலையிலுயிர் விடுமோ

அலைநடுவில் தலைகுனியுமல்லி முகம்கண்டோ
அதுநடன மாடியது இவள்நடைப யின்றோ
தொலைநின்று விரியுமலை தேன்விரல்கள் தொட்டோ
துள்ளுமிள மானுமிவள் தோன்றும்ஒயில் கற்றோ

படர்வானில் முகில்வந்துபாவையிவள் மென்மை
பார்த்தேங்கி அடிவானில் போய்ச்சுருண்ட தன்றோ
சுடரோனும் விழிகண்டு ஒளிதானி தென்று
சுடுவானி லிருந்தோடி சேர்ந்ததுவும் கடலோ

வெளிவானில் தனியாக விளையாடும் நிலவும்
வீசுமிளங் காற்றெழுந்து விரையவரும் சுகமும்
தளிர்மேனி இழைந்தஎழிற் தாமரையாள் கன்னி
தவழுமிளம் புன்னகையில் தாகமெழச் செய்தாள்

கருந்தேளில் கொடியதெனும் காதல்நோய் என்னைக்
கடுகேனும் அணுகாது காத்துவிடு பெண்ணே!
வருந்தாகம் அருந்தாமல் வாழுமுயிர் இல்லை
மருந்தாக இல்லாமல் மதுவாகி நீவா !

மஞ்சுபாஷிணி · மஞ்சுபாஷிணி Mon 13 Sep 2010 - 6:34

காதல் மனதில் புகுந்துவிட்டால் தொடரும் கவிகளும் முத்துக்கோர்த்த வரிகளும் நேசத்துக்குரியவரைப்பற்றிய வர்ணனையும் மிக மிக அழகாக்கி விடுவதோடு மனதை முழுதாய் அர்ப்பணிக்கவும் செய்யும் என்பதை இதோ இங்கே வரி வரியாய் அலை அலையாய் அழகழகாய் தொடுத்த வரிகளை பார்த்து அறிய முடிந்தது...

அன்பு பாராட்டுக்கள் கிரிகாசன் அழகிய கவிதைக்கு....

புவனா · புவனா Mon 13 Sep 2010 - 10:42

"கருந்தேளில் கொடியதெனும்காதல் நோய் என்னை
கடுகேனும் அணுகாது காத்துவிடு பெண்ணே
வருந்தாகம் அருந்தாமல் வாழுமுயிர் இல்லை
மருந்தாக இல்லாமல் மதுவாக நீவா!"

அழகான வரிகள்....

**kirikasan** · **kirikasan** Mon 13 Sep 2010 - 18:03

மஞ்சுபாஷிணி wrote:காதல் மனதில் புகுந்துவிட்டால் தொடரும் கவிகளும் முத்துக்கோர்த்த வரிகளும் நேசத்துக்குரியவரைப்பற்றிய வர்ணனையும் மிக மிக அழகாக்கி விடுவதோடு மனதை முழுதாய் அர்ப்பணிக்கவும் செய்யும் என்பதை இதோ இங்கே வரி வரியாய் அலை அலையாய் அழகழகாய் தொடுத்த வரிகளை பார்த்து அறிய முடிந்தது...

அன்பு பாராட்டுக்கள் கிரிகாசன் அழகிய கவிதைக்கு....

இவை காதலின் கடந்த நினைவுகள்! காதல் மிகச்சிறந்தது.
மனதோடு மனது இணைகிறது. அந்த நெருக்கம் வேறு வகையில் பெற முடியாது.
மனைவியைப் பார்த்து கணவன் இங்கே வாங்கம்மா
என்று அழைப்பதைக் கண்டிருக்கிறேன். ஆனால் காதலில் போடி என்று அவளை செல்லமாகக் கூற
போடா மடையா என்று காதலி திருப்பி கூறுவாளே. அந்த இதயங்களின் நெருக்கத்துக்கு நிகர் எதுவுமேயில்லை

**உமா** · **உமா** Mon 13 Sep 2010 - 18:11

மஞ்சுபாஷிணி wrote:காதல் மனதில் புகுந்துவிட்டால் தொடரும் கவிகளும் முத்துக்கோர்த்த வரிகளும் நேசத்துக்குரியவரைப்பற்றிய வர்ணனையும் மிக மிக அழகாக்கி விடுவதோடு மனதை முழுதாய் அர்ப்பணிக்கவும் செய்யும் என்பதை இதோ இங்கே வரி வரியாய் அலை அலையாய் அழகழகாய் தொடுத்த வரிகளை பார்த்து அறிய முடிந்தது...
அன்பு பாராட்டுக்கள் கிரிகாசன் அழகிய கவிதைக்கு....

Sponsored content · Sponsored content

காதல் எனும் தாகம்

காதல் எனும் தாகம்

Re: காதல் எனும் தாகம்

Re: காதல் எனும் தாகம்

Re: காதல் எனும் தாகம்

Re: காதல் எனும் தாகம்

Re: காதல் எனும் தாகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக