10 ஆண்டுக்கு முன் இறந்தவருக்கு எதிராக கிரிமினல் வழக்கு

கார்த்திக் · கார்த்திக் Fri Sep 10, 2010 12:18 pm

கேந்திரப்பாரா, செப்.10: ஒரிசாவின் கேந்திரப்பாரா மாவட்டத்தில் 10 ஆண்டுகளுக்கு முன் இறந்தவருக்கு எதிராக கிரிமினல் வழக்குப் பதிவுசெய்யப்பட்டுள்ளது தெரியவந்துள்ளது.

கேந்திரப்பாரா அருகே உள்ள பாலபத்ரபிரசாத் கிராமத்தின் காஷிநாத் பாசந்தியாவுக்கு எதிராக குற்றவியல் நடைமுறைச் சட்டத்தின் 107-வது பிரிவின்கீழ் வழக்குப் பதிவுசெய்யப்பட்டுள்ளது.

இதில் போலீசின் பக்கம் தவறு இருப்பது தெரியவந்துள்ளது. இந்தத் தவறு குறித்து விசாரணை நடத்தப்பட்டு வருவதாக கேந்திரப்பாரா காவல்துறை கண்காணிப்பாளர் நரசிங்க போல் தெரிவித்தார்.

காஷிநாத்தின் மகன் அமுல்யா பசந்தியா ஒரிசா மனித உரிமை ஆணையத்தை அணுகி இவ்விவகாரத்தில் தலையிட வேண்டும் எனக் கோரிக்கை விடுத்தார்.

தனது குடும்பத்தைச் சேர்ந்த 7 பேர் மீது போலீசார் வழக்குப்பதிவு செய்திருப்பதாகவும், 2000-ம் ஆண்டு நவம்பர் 11-ல் உயிரிழந்த தனது தந்தையையும் போலீசார் விட்டுவைக்கவில்லை என்றும் அமுல்யா கூறினார்.

எதனால் இறந்துபோனவருக்கு எதிராக போலீசார் வழக்குப்பதிவு செய்தனர் என்பது குறித்து விசாரிக்குமாறு மண்டல உதவி போலீஸ் அதிகாரி கேட்டுக்கொள்ளப்பட்டுள்ளதாகவும், விசாரணை முடிவில் போலீசார் குற்றம்புரிந்தது உறுதியானால் அவர்கள் மீது ஒழுங்கு நடவடிக்கை எடுக்கப்படும் என்றும் நரசிங்க போல் தெரிவித்தார்.

அமைதி சீர்குலையலாம் என்ற அச்சத்தில், கிராமத்தினர் இருவர் கொடுத்த புகாரின்பேரில், அவ்வழக்குப் பதிவுசெய்யப்பட்டதாக போலீசார் தெரிவித்தனர்.

**உமா** · **உமா** Fri Sep 10, 2010 12:26 pm

10 ஆண்டுக்கு முன் இறந்தவருக்கு எதிராக கிரிமினல் வழக்கு

10 ஆண்டுக்கு முன் இறந்தவருக்கு எதிராக கிரிமினல் வழக்கு

Re: 10 ஆண்டுக்கு முன் இறந்தவருக்கு எதிராக கிரிமினல் வழக்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக