வெற்றிலையில் நிற்கும் யாழ் மாநகர சபை வேட்பாளர்கள் இருதரப்பாக பிளவு

வவுனியா முகாம்களில் உள்ள மக்களை விடுவிக்க அவர்களின் உறவினர்கள் விண்ணப்பிக்கும் இடத்து ஜனாதிபதி மற்றும் பசில் ராஜபக்ஸ ஆகியோரிடன் தொடர்பு கொண்டு அவர்களை விடுவிப்பதற்கு நடவடிக்கை எடுக்க உள்ளதாக யாழ் மாநகர சபைக்கு ஐக்கிய மக்கள் சுதந்திரக் கூட்டமைப்பில் சிறீலங்கா சுதந்திரக் கட்சியின் சார்பில் போட்டியிடும் ஆர். ரத்தினேஸ்வரன் தெரிவித்துள்ளார்.

உள்ளுர் ஊடகங்களுக்கு விடுத்துள்ள அறிவித்தலில் அதற்கான விண்ணப்பப் படிவங்களை தனக்கு சமர்ப்பிக்கும் பட்சத்தில் தன்னால் அவர்களை விடுவிக்க உறுதியான நடவடிக்கை முடியும் என தனது தேர்தல் பிரச்சாரத்தின் பிரதான கோசமாக அவர் முன்வைத்துள்ளார்.

எனினும் வவுனியா முகாம்களில் உள்ள மக்களை விடுவிப்பதாகக் கோரும் போலியான விண்ணப்பப் படிவங்கள் விற்பனை செய்யப்படுவதாக தனக்கு முறைப்பாடு கிடைத்துள்ளதாக அமைச்சர் டக்ளஸ் தேவானந்தா தெரிவித்துள்ளார். அதனால் இந்த போலி விண்ணப்பப் படிவங்களை நம்பி எவரும் ஏமாற வேண்டாம் எனவும் அவர் மக்களிடம் அறிவுறுத்தி உள்ளார்.

இடம்பெயர்ந்த மக்கள் தற்காலிக முகாம்களில் தங்க வைக்கப்பட்டுள்ளதாக தெரிவித்துள்ள அமைச்சர் டக்ளஸ் தேவானந்தா தடுப்பு முகாம்களில் அவர்கள் தடுத்து வைக்கப்பட்டு உள்ளதாகக் கூறி மக்களிடம் பணம் பறிக்கும் நடவடிக்கைகளில் ஒருசாரார் ஈடுபட்டுள்ளதாக எச்சரித்துள்ளார்.

இது குறித்து ஜனாதிபதியின் கவனத்திற்கு கொண்டு வந்துள்ளதாக கருத்து வெளியிட்டுள்ள அமைச்சர் டக்ளஸ் தேவானந்தா 100 ரூபாய் வரை விற்பனை செய்யப்படும் போலியான விண்ணப்பப் படிவங்களை வாங்கி ஏமாற வேண்டாம் எனவும் கூறியுள்ளார்.

யாழ் மாநகர சபைத் தேர்தலில் ஐக்கிய மக்கள் சுதந்திரக் கூட்டமைப்பில் போட்டியிடும் சிறீலங்கா சுதந்திரக் கட்சி மற்றும் ஈ.பீ.டீ.பீ கட்சிகளின் உறுப்பினர்கள் இரண்டாக பிளவடைந்துள்ள நிலையில் முதன்மை வேட்பாளராக போட்டியிடும் பிரபல யானைச் சோடா விற்பனை வர்த்தகர் சிறீலங்கா சுதந்திரக் கட்சியை யாழ் குடாநாட்டில் வியாபிக்கச் செய்வதில் பாரிய பங்கு வகிப்பதாக அங்கிருந்து கிடைக்கும் தகவல்கள் தெரிவிக்கின்றன.

இது ஒரு தமிழனின் கடமை இதை ஒரு தேர்தல் பிரச்சாரமாக செய்யலாமா

தமிழன் என்று சொல்ல அவனுக்கு அருகதை இருக்கா முதலில்