புகைப் பழக்கத்தைக் கைவிட 5 அடிப்படை வழிகள்!

**Admin** · **Admin** Wed Oct 15, 2008 8:51 am

புகைப் பழக்கம் நீண்ட காலமாகவுள்ள பலருக்கும், அதைக் கைவிட வேண்டும் என்பது விருப்பம்தான்.

ஆனால், 'நிலைமை கைமீறிப் போய்விடுதால், புகைப் பழக்கத்தைக் கைவிடுவது சாத்தியமில்லாமல் ஆகிறது,' என்பது பெரும்பான்மையினரின் வருத்தம்.

புகைப் பழக்கத்தைக் கைவிட விரும்புவோர், அடிப்படையாக ஐந்து வழிமுறைகளைக் கையாள வேண்டும் என்று மருத்துவர்கள் பரிந்துரைக்கின்றனர். அவையாவன:

1. புகைப் பழக்கத்தை கைவிட மேற்கொண்ட முடிவினை, உங்களது குடும்பத்தினரிடமும், நண்பர்களிடம் சொல்லிவிடுங்கள்.இப்பழக்கத்தை விட்டுவிடுவதற்கு, உங்களுக்கு அவர்கள் வெகுவாக உதவுவர்.

2. மிகுந்த அவசரம் வேண்டாமே. புகைப் பழக்கத்தை விடுவதற்கான தினத்தை நிதானமாக குறித்து வைத்துக் கொள்ளுங்கள். அதற்கு போதுமான அவகாசத்தை நீங்களே எடுத்துக் கொள்ளுங்கள்.

3. உடற்பயிற்சி செய்யத் தொடங்குங்கள். இதனால் மன அழுத்தம் நீங்கும். புகைப் பழக்கத்தால் உடலுக்கு ஏற்பட்ட பாதகங்கள் குறையத் தொடங்கும்.

4. உடலிலுள்ள நிகோட்டின் மற்றும் ஏனைய ரசாயனங்கள் வெளியேறுவதற்கு,அதிக அளவில் தண்ணீரைப் பருகுங்கள்.

5. இயன்ற வரையில் புகைப் பிடிக்கப்படுகிற இடங்களைத் தவிர்த்தல் நல்லது.

(மூலம் - வெப்துனியா)