ஹாலிவுட்டில் ஏ.ஆர்.முருகதாஸ்

கார்த்திக் · கார்த்திக் Thu Sep 09, 2010 1:40 pm

உலகப் புகழ் பெற்ற ஹாலிவுட் படநிறுவனமான ஃபாக்ஸ் ஸ்டார் ஸ்டுடியோ நிறுவனத்துடன் இணைந்து ஏ.ஆர்.முருகதாஸ் தமிழில் புதுப் படம் ஒன்றை தயாரிக்கிறார். இந்தப் படத்தை அவரின் உதவியாளர் சரவணன் இயக்குகிறார். ஜெய், விமல் இதில் கதாநாயகர்கள். எஸ்.தமன்-இசை. வேல்ராஜ்-ஒளிப்பதிவு. கதாநாயகி தேர்வு நடைபெற்று வருகிறது.

தமிழ் சினிமாவில், வழக்கமான கதை சொல்லும் விதத்தை மற்றியமைத்து புதிதாக கதை சொல்லவிருக்கிறார்கள். படத்திற்கு இன்னும் தலைப்பிடப்படவில்லை.

இந்தியில் முருகதாஸ் இயக்கிய கஜினி 250 கோடி வசூல் சாதனையுடன் மிகப்பெரிய வெற்றிப் பெற்றது. இதனால் அவரது இயக்கத்தில் நடிக்க பாலிவுட் நடிகர்கள் பலர் தயாராக உள்ளனர். இந்நிலையில் ஹாலிவுட் படநிறுவனத்துடன் இணைந்து படம் தயாரிக்கும் வாய்ப்பு கிடைத்துள்ளதால் அவர் இந்தியிலேயே படம் தயாரிக்கலாம். ஆனால் தனக்கு தமிழில் படம் தயாரிக்கவே விருப்பம் என்றார்.

இது குறித்து முருகதாஸ், “ஹாலிவுட், பாலிவுட் நடிகர்களை விட தமிழ் நடிகர்கள் தான் மிகவும் திறமையானவர்கள். நான் தயாரிக்கும் முதல் படம் தமிழில் இருக்கவேண்டும் என்பது எனது ஆசை. இந்தப் படமே மிகவும் புதுமையான, இதுவரை தமிழ் ரசிகர்கள் பார்த்திராத ஒரு யூத்ஃபுல் காதல் படமாகும்,”என்றார்.

மேலும், சிவப்பு ரோஜாக்கள் படத்தை நான் மீண்டும் எடுக்க உள்ளதாக கூறுகிறார்கள். அது உண்மையில்லை. நான் இந்தியில் படம் இயக்கிவருவதாகவும் கூறுகிறார்கள். ஆனால் தற்போது நான் இயக்கிவரும் ‘ஏழாம் அறிவு’ படத்தைத் தவிர வேறு எந்தப் படமும் இயக்கவில்லை.

எனக்கு ஹாலிவுட் கனவுகளும் இருக்கு,விரைவில் ஃபாக்ஸ் ஸ்டார் நிறுவனம் தயாரிப்பில் ஹாலிவுட்டில் ஒரு படம் இயக்கினாலும் அதில் வியப்பில்லை” என்றார்.

ஹாலிவுட்டில் ஏ.ஆர்.முருகதாஸ்

ஹாலிவுட்டில் ஏ.ஆர்.முருகதாஸ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக