இல்லறம் நல்லறமாகட்டும்!!!!

இல்லறம் நல்லறமாகட்டும்:
வாழ்க்கையில் திருமணம் என்பது மிக மிக முக்கியமான விஷயம். ஒரு ஆண் அல்லது பெண்ணின் நிம்மதியே இதில் தான் இருக்கிறது. தான் மணக்கப்போகிற பெண் அல்லது ஆண், அவர்களைச் சார்ந்த குடும்பத்தினர் அன்பு, பணம், அறம், ஆற்றல், அறிவு, பணிவு, பரிவு, தெளிவு, கனிவு, துணிவு அத்தனையும் பெற்றவர்களா என்பதை முக்கியமாகக் கவனிக்க வேண்டும். அழகுக்காக மோகம் கொண்டு திருமணம் செய்வது தவிர்க்கப்பட வேண்டும். பணத்திற்காக திருமணம் செய்வதும் சிரமத்தையே கொண்டு வரும். இதெல்லாம் நம் நடைமுறையில் காண்பவை தான். நபிகள் நாயகம்(ஸல்) அவர்கள் கூறுவதைக் கேளுங்கள். ""எவரேனும் ஒரு பெண்ணை அவளின் செல்வம், அழகு இவ்விரண்டிற்காக திருமணம் செய்வாராகில், அல்லாஹ் அவளின் அழகையும் செல்வத்தையும் தடுத்திடச் செய்வான். அவளின் மார்க்க ஒழுக்கத்திற்காக திருமணம் செய்வாராகில் அல்லாஹ் அவருக்கு அவளுடைய செல்வத்தையும், அழகையும் கொடுத்தருள்வான். உங்களிடம் பெண் கேட்டு வருபவரின் மார்க்க பக்தியும் நற்பண்புகளும் உங்களுக்கு திருப்தி அளிக்குமாயின் அவரது பணத்தையும் குலத்தையும் பாராட்டாமல் மணமுடித்துக் கொடுங்கள். இவ்விதம் நீங்கள் செய்யாவிடில் உலகில் பித்னாவும் (குழப்பம்) பஸாதும் (பூசல்) பெருகிவிடும்,'' என்கிறார்கள் அண்ணலார். செல்வத்தால் மனிதனுக்கு அமைதி கிடையாது. அழகால் ஆனந்தமும் கிடையாது. அமைதியும் ஆனந்தமும் உண்மையான அன்பினால் மட்டும் தான் பெற இயலும். உண்மையான ஆதரவாக நிற்க முடியும். அந்த உண்மையான அன்பின் அடிப்படையில் அமைக்கப்படுவது தான் திருமணம். இந்த ரமலான் நோன்பு காலத்தில், திருமணத்தை எதிர்நோக்கியிருப்பவர்கள் தங்களுக்கு சிறந்த வாழ்க்கைத்துணை அமைந்து, இல்லறம் நல்லறமாக இறைவனிடம் கையேந்துங்கள். ஏனெனில், அவன் இல்லையென்று சொல்லுவதில்லை.
நன்றி
தினமலர்

மிகவும் அழகிய விளக்கம் மிக்க நன்றி

நன்றி தோழரே

உண்மையான வரிகள்

உண்மையான வரிகள்