அழகு

by **மு.வித்யாசன்** Wed Sep 08, 2010 8:30 pm

First topic message reminder :

அடிக்கடி எனை பார்த்தும்
பார்க்காதது போல் இருப்பது அழகு...

நகம் கடிக்கும் நிமிடத்திலும்
எனை நினைப்பது அழகு...

எட்டி நான் செல்லும் போதெல்லாம்
நீ குட்டி சோகம் கொள்வது அழகு...

அதி காலை விடியலில் முகம் கழுவி
கண்ணாடியில் என் முகம் காண்பது அழகு...

புத்தகத்தின் இடையே என் பெயர்
எழுதி தெரியாமலிருக்க அடித்திருப்பது அழகு...

திட்டி நான் பேசினாலும் முதலில்
விட்டு கொடுத்து நீ பேசுவது அழகு...

விட்டு விலகும் நேரத்தில்
குழந்தை போல் அடம்பிடிப்பது அழகு...

எங்கு சென்றாலும் உன் மனதோடு
எனை அழைத்து கொண்டு தனி இடம் கொடுப்பது அழகு...

மழை கொட்டும் கணத்தில்
என் உள்ளங்கை பிடித்து நடப்பது அழகு...

பிடித்திருக்கு என்று உன்னிடம் சொல்லுகையில்
விழிகளை மடித்துக் கொண்டு வெட்கம் கொள்வாயே
அது அது தனி அழகு !!

பாடகன்

by kalaimoon70 Thu Sep 09, 2010 2:18 am

karthikharis wrote:உங்கள் வரிகள் ரொம்ப அழகு

இளவலின் கவிதை தனி அழகு தான் . மகிழ்ச்சி

by kalaimoon70 Thu Sep 09, 2010 2:36 am

மு.வித்யாசன் wrote:நன்றி நண்பரே. உங்களை கவனித்து கொண்டு வருகிறேன். யார் எழுதினாலும் அவர்களுக்கு உங்கள் பாராட்டுகளை தெரிவித்து விடுகிறீர்கள். இது நல்ல பழக்கம் மட்டும் அல்ல இந்த எண்ணம் உயர்வானது. எல்லோருக்கும் வாரி வழங்குங்கள் மாரி போல் உங்கள் வாழ்த்துக்களை.

உண்மைதான் இளவலே!

ஊக்கம் தரும் மருந்து,
நமக்கு எல்லாம் தந்து,
இன்னும் நாம் படைக்க,
இனிதே ஈகரையை சிறக்க,
இவரும் தருவார் ஏணி,
இது தான் இவரின் பாணி .
நன்றி தோழரே .

by **T.N.Balasubramanian** Thu Sep 09, 2010 4:20 am

அழகுக்கு ,
அழகு சேர்க்கும்
அழகு வரிகளை
அழகாக கோர்த்து
அழகாக பதிவிட்ட,
அழகே தனி அழகு.

வாழ்த்துக்கள். அன்பு மலர்

ரமணீயன்

by srinihasan Thu Sep 09, 2010 4:53 am

//எங்கு சென்றாலும் உன் மனதோடு
எனை அழைத்து கொண்டு தனி இடம் கொடுப்பது அழகு...//

மிகவும் அருமையா இருக்கு நண்பா இந்த வரிகள் எனக்கு .. வாழ்த்துகள் மகிழ்ச்சி