பருக்களை குணமாக்கும் உணவு முறை

**சிவா** · **சிவா** Mon Dec 22, 2008 2:55 am

சருமத்தில் காணப்படும் சீபச் சுரப்புகளின் அடைப்பினால் சருமத் துவாரங்கள் வீங்கி உண்டாவதுதான் பருக்கள் என்பது. இந்தப்பிரச்சினை டீன் ஏஜ; பருவத் தினருக்கே அதிகம் வருகிறது. இவற்றை உணவு முறையும் தூண்டுகின்றன. சரியான உணவு முறையைப் பின்பற்றுவதன் மூலம் தடுத்துவிடலாம்.
நேரங்கெட்ட நேரத்தில் சாப்பிடுவது, கொழுப்பு, மாவுப்பொருள், சர்க்கரை அதிகம் உள்ள உணவு வகைகளைச் சாப்பிடுவது, மலச்சிக்கல் போன்றவை, டீ, காபி அருந்துதல் ஆகியவை முகப்பருவை தூண்டும் முக்கியக் காரணிகள்.

குணப்படுத்தும் உணவுமுறை

கன்னங்களின் இரண்டு பக்கங்களிலும் வரக்கூடிய நிறைய பருக்களைக்கூட உணவு முறையால் இரண்டு மாதங்களிலேயே முற்றிலும் சரியாக்கிவிடலாம். எப்படி என்பதைப் பாருங்கள்.

முதலில் குடலைச் சுத்தம் செய்யும் விதத்தில் வாரம் ஒருமுறை பழம் சாப்பிடும் உணவுமுறைத் திட்டத்தைப் பின்பற்ற வேண்டும். ஆப்பிள், அன்னாசி, பேரிக்காய், திராட்சை, பீச் ஆகிய பழங்களை சாறாகவோ, பழமாகவோ மூன்று வேளையும் உட்கொள்ள வேண்டும். வேறு பானங்கள்கூடாது. இந்தப் பழ உணவை மேற்கொள்ளும் காலக்கட்டத்தில் ஆரஞ்சு, சாத்துக்குடி, வாழைப்பழம், பேரீச்சை போன்றவற்றை முற்றிலும் தவிர்க்க வேண்டும். காரணம், சிட்ரஸ் அதிகமுள்ள பழங்களும், மாவுப் பொருள் அதிகமுள்ள பழங்களும் பருக்களை அதிகப்படுத்தும்.

பழ உணவுக்கு அடுத்தநாள் பச்சைக் காய்கறிகள், கைக்குத்தல் அரிசி, முளைக் கட்டிய தானியங்கள், கடலை முதலியவற்றுக்கு முக்கியத்துவம் கொடுத்து உணவுத்திட்டத்தை தயாரிக்க வேண்டும்.

**சிவா** · **சிவா** Mon Dec 22, 2008 2:56 am

சர்க்கரை, ஸ்ட்ராங்கான காபி, டீ, ஊறுகாய், ஐஸ்கிரிம், அசைவம் முதலியவற்றை கட்டாயமாக ஒதுக்கி வைக்கவேண்டும். குறித்தநேரத்தில் தவறாமல் சாப்பிட்டுவிட வேண்டும்.

வைட்டமின்- சி மற்றும் வைட்டமின்- ஈ மாத்திரைகளைக்கூட பயன்படுத்தலாம்.
வெள்ளரிக்காய், காரட் முதலியவற்றை அரைத்து முகத்தில் பூசுவது நல்லது. கரும்புள்ளிகள் மாறும்.

இரவு படுக்கப் போகும்போது முகத்தை நன்றாகக் கழுவவேண்டும். ஒருதேக்கரண்டி கொத்துமல்லி சாற்றில் சிறிது மஞ்சள் பவுடர் சேர்க்கவும். இதை முகத்தில் சிக்கொண்டு படுத்தால் பருக்களும், கரும்புள்ளிகளும் காணாமல் போய்விடும்.

பருக்களை முன்கூட்டி தவிர்க்க விரும்புவோர் உணவில் பால், தயிர், பறங்கிக் காய், ஆரஞ்சு, பாசிப்பருப்பு, தக்காளி, மீன், ஈரல், மொச்சை அல்லது கொண்டைக்கடலை, கீரை வகைகள் ஆகியவற்றை உணவில் இடைவிடாமல் இடம் பெறுமாறு பார்த்துக் கொள்ளுங்கள்.

பருக்களைக் கிள்ளுவது, புழுக்கமான இடத்தில் உட்காருவது போன்றவை பருக்களை அதிகரிக்கும் என்பதை நினைவில் வைத்துக்கொள்ளுங்கள்.

அப்புகுட்டி · அப்புகுட்டி Fri Aug 06, 2010 3:13 am

பருக்களைக் கிள்ளுவது, புழுக்கமான இடத்தில் உட்காருவது போன்றவை பருக்களை அதிகரிக்கும் என்பதை நினைவில் வைத்துக்கொள்ளுங்கள்

இது தெரியாமல் போச்சே வட போச்சே ஐயோ ஐயோ சரி இனி விடுங்க வரும் சந்ததிகளுக்கு இது உதவும் விதமாக உள்ளது அன்பு நன்றிகள் அண்ணா

அன்புடன்
அப்புகுட்டி.

Sponsored content · Sponsored content

பருக்களை குணமாக்கும் உணவு முறை

பருக்களை குணமாக்கும் உணவு முறை

Re: பருக்களை குணமாக்கும் உணவு முறை

Re: பருக்களை குணமாக்கும் உணவு முறை

Re: பருக்களை குணமாக்கும் உணவு முறை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக