“ராக்கிங்” செய்ததால் விஷம் குடித்த மாணவர்

ரபீக் · ரபீக் Wed Sep 08, 2010 12:15 pm

உத்தரபிரதேசம் மாநிலம் கான்பூரில் தனியார் என்ஜினீயரிங் கல்லூரி உள்ளது. இங்கு பி.டெக் முதலாம் ஆண்டு படித்து வந்த மாணவர் விஷால் யாதவ் (வயது 18). விடுதியில் தங்கி இருந்த இவரை சீனியர் மாணவர்கள் ராக்கிங் செய்தனர். இதனால் மனம் உடைந்த விஷால்யாதவ் கொசு விரட்டி மருந்தை குடித்து விட்டார். ஆபத்தான நிலையில் ஆஸ்பத்திரியில் சேர்க்கப்பட்டார்.

இது சம்பந்தமாக கடும் நடவடிக்கை எடுக்க உத்தரபிரதேச அரசு உத்தர விட்டது.

அதன்படி கல்லூரி நிர்வாகம் மீது போலீசார் வழக்கு பதிவு செய்தனர். விடுதி வார்டன் கைது செய்யப்பட்டார். விஷாலை ராக்கிங் செய்த மாணவர்கள் மீது கொலை முயற்சி வழக்கும் பதிவு செய்யப்பட்டது.

விடுதியில் உள்ள சீனியர் மாணவர்கள் உடனடியாக வெளியேற்ற மாவட்ட நிர்வாகம் உத்தரவிட்டது.

இதே கல்லூரியில் 3 மாதத்துக்கு முன்பும் ராக்கிங் புகார் எழுந்தது. ஆனால் கல்லூரி நிர்வாகம் சரியான நடவடிக்கை எடுக்காததால் மீண்டும் ராக்கிங் நடந்துள்ளது.

எனவே ராக்கிங்கை தடுக்க முடியாதது ஏன்? என்று அரசு விளக்கம் கேட்டுள்ளது.

நன்றி மாலைமலர்