வெந்தயக் குழம்பு - வசந்தி சுப்ரமணியன்

by gunashan Wed Sep 08, 2010 11:49 am

First topic message reminder :

தேவையான பொருட்கள் :

வெந்தயம் - 4 டீஸ்பூன்
சின்ன வெங்காயம் - 8
சாம்பார் பொடி - 2 ஸ்பூன்
வரமிளகாய் - 4
கறிவேப்பிலை - சிறிதளவு
கொத்தமல்லி - சிறிதளவு
உப்பு - தேவைக்கேற்ப
புளி - பெரிய எலுமிச்சையளவு
கடுகு - 1 டீஸ்பூன்
பெருங்காயம் - 1 சிட்டிகை

செய்முறை :

முந்தைய இரவே வெந்தயத்தை நீரில் ஊற வைக்கவும். வெங்காயத்தை தோல் நீக்கி, பெரிதாக இருந்தால் இரண்டாக நறுக்கவும். புளியை நீரில் கரைத்து வைத்து கொள்ளவும்.

அடுப்பில் வாணலியை வைத்து எண்ணெய் ஊற்றவும். எண்ணெய் காய்ந்த பிறகு கடுகு சேர்த்து தாளிக்கவும். ஊறவைத்த வெந்தயம், வர மிளகாய், வெங்காயம், கறிவேப்பிலை சேர்த்து பச்சை வாடை போகும்வரை வதக்கவும்.

பிறகு புளி கரைசல், மஞ்கள், உப்பு, சாம்பார் பொடி சேர்த்து 10 நிமிடம் கொதிக்க விடவும். பெருங்காயம், கொத்தமல்லி இலை சேர்த்து இறக்கவும்.

மனதை மயக்கும் வெந்தயக் குழம்பு தயார்.

சமைச்சு ருசியா இருந்தா, எனக்கும் கொஞ்சம் கொடுங்க. இல்லனா நீங்களே வச்சுக்கோங்க..... சிப்பு வருது