சீனாவில் 200 போலி விமானிகள்

ரபீக் · ரபீக் Wed Sep 08, 2010 12:13 pm

கடந்த மாதம் 24-ந்தேதி வடக்கு சீனாவில் இலாஞ்ஜி யாங் மாகாணத்தில் உள்ள ஹெனான் விமான நிலையத்தில் தரை இறங்கியபோது விமானம் ஓடு தளத்தில் மோதி தீப்பிடித்தது. இந்த விபத்தில் 42 பேர் உயிர் இழந்தனர்.

இதை தொடர்ந்து சீன விமான போக்குவரத்து நிர்வாகம் விசாரணை கமிஷன் அமைத்தது. அந்த கமிஷன் விசாரணை மேற்கொண்டது.

அப்போது, சீன விமான நிறுவனங்களில் பணிபுரியும் விமானிகளின் தகுதி குறித்து ஆய்வு செய்யப்பட்டது. அதில், அங்குள்ள விமான நிறுவனங்களில் 2008-2009-ம் ஆண்டில் விமானியாக பணியில் சேர்ந்த 200 பேர் போலியான தகுதி சான்றிதழ்கள் அளித்திருப்பது கண்டுபிடிக்கப்பட்டுள்ளது.

அவர்கள் போலி விமானிகள் என மத்திய அரசின், செய்தி வெப்சைட்டில் தகவல் வெளியிடப்பட்டுள்ளது. மேலும், பலர் ராணுவ விமானியாக பணி புரிந்துவிட்டு பயணிகள் விமானியாக பணிபுரிந்ததும் தெரிய வந்துள்ளது.

இதுபோன்று, விமானிகளுக்கு பயிற்சி அளிப்பவர்கள், பழுது பார்க்கும் ஊழியர்கள், விமான போக்குவரத்து கட்டுப்பாட்டாளர்கள் போன்ற பதவிகளில் இருப்பவர்களின் தகுதி சான்றிதழ்களும் நேற்று பரிசோதனை செய்யப்பட்டது.

நன்றி மாலைமலர்