Sep 05 எந்திரன் படத்திற்கு மதுரை கோர்ட் தடை விதிக்குமா?

ஷங்கர் இயக்கம், ரஜினிகாந்த் இருவேடங்கள்-ஐஸ்வர்யா ராய் என ஹாலிவுட் தரத்துக்கு உருவாகி இருக்கிரது எந்திரன். செப்டம்பர் 26-ஆம் தேதி அல்லது அக்டோபர்-8 ரிலீஸ் செய்ய தடபுடலான் ஏற்பாடுகளை செய்து வருகிறது சன் பிக்ஸர்ஸ் நிறுவனம். ஏற்கனவே கமலின் தசாவதாரம் கதைத் திருட்டில் சிக்கி பெரிய சர்ச்சையானது. இப்போது ரிலீஸ் நேரத்தில் எந்திரனும் கதைத்திருட்டு விவகாரத்தில் சிக்கியுள்ளது.

தீய சக்திகளை அழிக்க சயிண்டிஸ் ரஜினிஇ தன்னைப் போலவே தோற்றம் கொண்ட ரோபோ ரஜினியை உருவாக்குகிறார். ஆனால் எதிரிகளின் கையில் சிக்கும் ரோபோ தனது எஜமானின் காதலியையே கடத்திச் செல்கிறது. ரோபோவை வைத்து சென்னை நகரை அழிக்க திட்டமிடும் எதிரிகளை தனது ரோபோவை வைத்தே அழித்து சென்னை நகரை காப்பாற்றுவது போல எந்திரன் படத்தின் கதையை அமைத்திருக்கிறார் இயக்குனர் ஷங்கர்.

கடந்த இரண்டு வருடங்களாக தொடர்ந்து தயாரிப்பில் இருந்துவரும் இப்படத்தின் வேலைகள் முடிந்து ரிலீசுக்கு நெருங்கிக்கொண்டிருக்கும் வேளையில் இப்படத்திற்கு கதைத் திருட்டு என்கிற ரீதியில் புதிய சிக்கல் வந்திருகிறது..

மதுரையில் நவீன ஊடகம் பத்திரிகை நடத்திவரும் இளங்கோவன் என்பவர், மதுரை மாவட்ட நீதிமன்றத்தில் எந்திரன் படத்திற்கு தடை கோரி நேற்று மனு தாக்கல் செய்துள்ளார். அவர் தாக்கல் செய்துள்ள மனுவில், கடந்த 2000-ஆம் ஆண்டு ஆனந்த விகடன் இதழில் எந்திரன் பற்றிய எனது கவிதை ஒன்று வெளியானது. பிறகு மீண்டும் விகடனில் எந்திரன் பற்றிய எனது சிறுகதை ஒன்ர்றையும் வெளியிட்டார்கள். இந்த எனது இரண்டு படைப்புகளையும் அடிப்படையாக வைத்தே எந்திரன் படம் எடுக்கப்பட்டிருக்கிறது. என் அனுமதி இல்லாமல் என் கதையை திருடிவிட்டார்கள். எனவே எந்திரன் படத்திற்கு தடை விதிக்க வேண்டும்' என்று கூறியுள்ளார்.

இந்த மனு மீதான விசாரணை இன்று எடுத்துகொள்ளப்பட இருகிறது. உள் வீட்டு மோதலின் உள் குத்து வழக்கு இது என்றும், இந்த வழக்கின் பின்னனியில் மதுரை அதிகார மைய அரசியல் தலை இருக்கலாம் என ஒரு ஊகத் தகவல் தெரிவிக்கின்ற போதும் . . . . !!!

/www.thedipaar.com