திரைப்பட நடிகர் முரளி இன்று காலை மாரடைப்பால் காலமானார்

by கார்த்திக் Wed Sep 08, 2010 10:51 am

சென்னை, செப்.8: பிரபல திரைப்பட நடிகர் முரளி, இன்று காலை மாரடைப்பால் காலமானார்.

நடிகர் முரளிக்கு நெஞ்சுவலி ஏற்பட்டதால், உடனடியாக அவர் சென்னை தனியார் மருத்துவமனையில் அனுமதிக்கப் பட்டிருந்தார். இன்று காலையில், சிகிச்சை பலன் இன்றி அவருடைய உயிர் பிரிந்தது.

தமிழ்த் திரையுலகில் 1984இல் பூவிலங்கு படத்தின் மூலம் அறிமுகமானார். புதுவசந்தம், இதயம் ஆகிய படங்கள் அவருக்கு ரசிகர்களிடையே நல்ல பெயரைப் பெற்றுத் தந்தது.

இரண்டு நாள்களுக்கு முன்னர்தான் அவர் தன்னுடைய 100 ஆவது படத்துக்கான ஒப்பந்தத்தில் கையெழுத்து இட்டிருந்தார் என்பது குறிப்பிடத்தக்கது.

புதுவசந்தம், , இதயம், தங்க மனசுக்காரன், சின்னப் பசங்க நாங்க, பூமணி, காலமெல்லாம் காதல் வாழ்க, பொற்காலம், காதலே நிம்மதி, கனவே கலையாதே, இரணியன், அள்ளித் தந்த வானம், சுந்தரா டிராவல்ஸ், நம்ம வீட்டு கல்யாணம், காதலுடன், பாசக்கிளிகள் உள்ளிட்ட படங்கள் அவர் நடித்த படங்களில் குறிப்பிடத்தகுந்தவை.

சிவாஜி, விஜயகாந்த், பிரபு, சத்யராஜ், பிரபுதேவா, சூர்யா, பார்த்திபன், சரத்குமார் உள்ளிட்ட பல நடிகர்களுடன் முரளி இணைந்து நடித்துள்ளார்.

தினமணி

by கலைவேந்தன் Wed Sep 08, 2010 10:55 am

திரைப்பட நடிகர் முரளி இன்று காலை மாரடைப்பால் காலமானார் Images?q=tbn:ANd9GcSAfqZ1egqT13bNild93AbecGZJWFfXqWc2lueSkvmhKAtuYH8&t=1&usg=__Lfq2Z7ZkE2-Z2cTFehBk2doWinA=

அன்னாருக்கு எனது இதய அஞ்சலி...!

by கலைவேந்தன் Wed Sep 08, 2010 10:59 am

சென்னை :சத்யஜோதி பிலிம்ஸ் தயாரிப்பில் உருவான பூவிலங்கு படத்தின் மூலம் தமிழ் சினிமாவில் அறிமுகமானவர் நடிகர் முரளி. 47 வயதான அவர் இதயம், அதர்மம், காலமெல்லாம் காதல் வாழ்க, அள்ளித்தந்த வானம், புதுவசந்தம், ஆனந்தம், வெற்றி‌கொடிகட்டு, சுந்தரா டிராவல்ஸ் உள்ளிட்ட ஏராளமான படங்களில் நடித்திருக்கிறார். நேற்று இரவு வீட்டில் இருந்தபோது நெஞ்சுவலிப்பதாக கூறிய முரளி, சென்னை போரூரில் உள்ள தனியார் மருத்துவமனையில் அனுமதிக்கப்பட்டார். அங்கு தீவிர சிகிச்சை அளித்தும் பலனின்றி இன்று அதிகாலை மரணமடைந்தார். இதையடுத்து அவரது உடல் சென்னை வளசரவாக்கத்தில் உள்ள அவரது வீட்டுக்கு கொண்டு வரப்பட்டது. அங்கு பொதுமக்கள் அஞ்சலிக்காக முரளியின் உடல் வைக்கப்பட்டது. புகழ்பெற்ற முரளியின் மரணச் செய்தியறிந்த கோலிவுட் பிரபலங்கள் பலரும் முரளியின் வீ்ட்டுக்கு நேரில் சென்று அஞ்சலி செலுத்தி வருகிறார்கள்.
நடிகர் முரளி கடைசியாக நடித்த படம் பானா காத்தாடி. முரளியின் மகன் அதர்வா நாயகனாக அறிமுகம் ஆன இந்த படத்தையும் முரளியை அறிமுகப்படுத்திய சத்யஜோதி பிலிம்ஸ் தயாரிப்பில் உருவான படம்தான். தான் நடித்த பெரும்பாலான படங்களில் கல்லூரி மாணவராக நடித்த முரளி, கடைசியாக நடித்த பானா காத்தாடியிலும் எம்.பி.பி.எஸ். நான்காம் ஆண்டு மாணவராக நடித்தார் என்பது குறிப்பிடத்தக்கது. திரையுலகை சேர்ந்தவர்கள், பத்திரிகையாளர்கள், நண்பர்கள், நண்பர்களின் நண்பர்கள் என யார் அழைப்பிதழ் வைத்தாலும் நேரில் சென்று வாழ்த்துவதை வாடிக்கையாக கொண்டிருந்த முரளியின் மரணம் அவரது ரசிகர்கள் மற்றும் நண்பர்களுக்கு பேரிழப்பாக அமைந்துள்ளது.

- தினமல்ர்.

by **V.Annasamy** Wed Sep 08, 2010 11:02 am

by தமிழ்ப்ரியன் விஜி Wed Sep 08, 2010 11:22 am

முரளி இறைவனை சேர இறைவனை பிரார்த்திப்போம்....

by **சிவா** Wed Sep 08, 2010 11:33 am

ஆத்மா சாந்தியடைய பிரார்த்திக்கிறேன்!

by சாந்தன் Wed Sep 08, 2010 11:39 am

அவர் நல்ல மனதுக்கும் இதயத்திற்கும் அவர் ஆன்மா சாந்தியடைவதாக

by சபீர் Wed Sep 08, 2010 11:46 am

எனக்கு மிகவும் பிடித்த ஒரு நடிகர் முரளி அவரின் மரணச்செய்திகேட்டு ரொம்ப கவலையாக உள்ளது திரைப்பட நடிகர் முரளி இன்று காலை மாரடைப்பால் காலமானார் 440806

.ஆத்மா சாந்தியடையவேன்டுகிறேன்.

by Halfmoon Wed Sep 08, 2010 2:03 pm

கடந்த வாரம் (01-09-10) விஜய் டிவியில் கதையல்ல நிஜம் நிகழ்ச்சியில் நடிகர் முரளி தனது வாழ்க்கை அனுபவங்களை குறித்து உருக்கமாக பேசியிருந்தார். ஆனால் அடுத்தவாரம் அதே நாளில்
(08-09-10) அவர் மரணமடைந்திருப்பது மிகவும் வேதனைக்குறியது. அவரது குடும்பத்தாருக்கு
ஈகரையின் ஆழ்ந்த அனுதாபங்கள்.

Link: http://www.tamilrain.com/kadhai-alla-nijam-01-09-2010/kadhai-alla-nijam-vijay-tv-shows-part-1-video_5439bf3c8.html