நாராயணன் பெயரை உச்சரிப்பதின் பலன்

ஒரு நாள் நான் ஒரு இதழில் படித்த சுவாரசியம் மிகுந்த கதை இது

ஒரு நாள் நாரதருக்கு ஒரு சந்தேகம் வந்தது எபோதும் நாராயணா நாராயணா என்று பகவானின் பெயரை உச்சரித்து கொண்டு இருக்கிறேனே ! இதனால் என்ன பலன் இருக்கிறது என்று, தனக்குள் எந்த கேள்வியை கேட்ட நாரதர் அதோடு விட்டு விடாமல் நேராக ஸ்ரீ ஹரி விஷ்ணு விடமே சென்று கேட்டுவிட்டார். மகா பிரபுவே தினமும் வினாடிக்கு ஒருமுறை தங்கள் திரு பெயரை நாராயணா நாராயணா என்று உச்சரிக்கிறேனே இதனால் என்ன பலன் என்று கேட்டார்.

அதற்க்கு பகவான் விஷ்ணு மெல்ல சிரித்து நாரதா உடனே நீ பூலோகம் செல் அங்கு காட்டில் ஒரு புலிடம் சென்று அதன் காதில் நாராயணா என்று சொல் என்றார். நாரதர் உடனே பயந்து போய் சுவாமி புலி- இடமா அது என்ன கடித்துவிட்டால் என்றார். பகவன் உடனே நான் இருக்கிறேன் தைரியமாக செல் என்றார்.

உடனே நாரதர் பூலோகத்தில் உள்ள காட்டில் சென்று ஒரு புலியை பார்த்தார். அது உறங்கும் நேரத்தில் அதன் அருகே சென்று நாராயணா என்றார் , உடனே அந்த புலி எழுந்து நின்று சுருண்டு விழுந்து அதே இடத்தில் இறந்து விட்டது.

உடனே நாரதர் பயந்து மேலோகம் சென்றார் நாராயணா நாராயணா நான் நீங்கள் கூறியபடி புலிடம் சென்று உங்கள் பெயரை சொன்னேன் உடனே புலி இறந்துவிட்டது என்று திகைத்து சொன்னார் . உடனே பகவான் சரி இப்போது பூலோகம் செல் உன் கண்ணில் முதலில் தென்படுகின்ற பசுவிடம் சென்று எனது பெயர் சொல் என்றார். நாரதர் சரி பிரபுவே தங்கள் கூறியபடி செய்கிறேன் என்று புறப்பட்டார்.

தன் கண்ணில் தென்பட்ட பசுவிடம் சென்று அதன் காதில் நாராயணா என்றார் . உடனே பசுவும் இறந்துவிட்டது , நாரதருக்கு ஒன்றும் புரியவில்லை , உடனே மேலோகம் சென்று பிரபு தங்கள் பெயர் சொன்னதும் அந்த பசுவும் இறந்துவிட்டது, எனக்கு என்ன நடக்கிறது என்று கொஞ்சம் கூட புரியவில்லை என்றார்,

பகவான் சொன்னார் நாரதா இப்போது பூலோகம் செல் அங்கு ஒரு மன்னனுக்கு பல வருடமாக குழந்தை இல்லாமல் இப்போது ஒரு குழந்தை பிறந்து உள்ளது அந்த குழந்தையின் காதில் எனது பெயர் சொல் என்றார், நரதரருக்கு இன்னும் பயம் அதிகமாயிற்று, மகா பிரபு நீங்கள் கூறியபடி உங்கள் பெயரை சொன்னதும் புலி, பசு உடனே இறந்து விட்டது , இப்போது நான் சொல்லபோவது பச்சிளம் குழந்தையிடம் , அதுவும் பலவருடமாக குழந்தை இல்லாத மன்னனுக்கு பிறந்து உள்ளது, எனக்கு மிகவும் பயமாக உள்ளது என்றார் , உடனே ஸ்ரீ ஹரி பயப்படாதே நான் இருக்கிறேன் செல் என்றார் .

நாரதர் பூலோகம் சென்று அந்த குழந்தையை பார்த்தார் , மிகவும் தயக்கத்துடன் அந்த குழந்தை காதில் நாராயணா என்று சொல்ல ஆரம்பித்தார், உடனே அந்த குழந்தை பேசியது , நாரதா நிறுத்து , ஒரு ஜென்மத்தில் நான் கொடூர குணம் கொண்ட புலியாக பிறந்தேன் நீ வந்து என்காதில் நாராயணா என்று கூறினாய், உண்டனே நான் இறந்து மறு ஜென்மத்தில் விலங்குகளில் அனைவரும் தெய்வமாக கருதும் பசுவாக பிறந்தேன் , அப்போதும் என்காதில் வந்து நாராயணா என்று கூறினாய் . உடனே இந்த ஜென்மத்தில் பிறப்பில் அறிய பிறப்பான மானிட பிறவி எனக்கு கிடைத்துள்ளது .

புரிந்துக்கொள் நாராயணனின் பெயரை உச்சரிப்பதால் பிறவி பலன் கூடும் என்றது .

நாரதருக்கு கண்ணில் நீர்வர சந்தோஷம் வந்தது .

நன்றி

நாராயணனின் பெயரை உச்சரிப்பதால் பிறவி பலன் கூடும் -

நாராயணா.. நாராயணா.. நாராயணா..!

சக்தி நண்பா... எங்களுடன் பகிர்ந்தமைக்கு நன்றி நண்பா....
நாராயணனின் பெயரை உச்சரிப்பதால் பிறவி பலன் கூடும்