வன அலுவலர் பங்களாவிலேயே சந்தன மரம் வெட்டி கடத்தல்

டயானா · டயானா Mon 6 Sep 2010 - 10:52

சேலம்,

சேலத்தில் மாவட்ட வன அலுவலரின் பங்களாவில் இருந்த சந்தன மரத்தை மர்ம
நபர்கள் வெட்டிக் கடத்திச் சென்றது அனைவரையும் அதிர்ச்சியடைச் செய்துள்ளது.÷சேலம்-அஸ்தம்பட்டி
பயணிகள் மாளிகை அருகே மாவட்ட வனஅலுவலர் கந்தசாமியின் பங்களா உள்ளது. இதில்
தேக்கு உள்ளிட்ட பல்வேறு மரங்கள், பூஞ்செடிகள் உள்ளன. மேலும், இங்கு 5
சந்தன மரங்கள் இருந்தன. அதில் சுமார் 3 அடி சுற்றளவு கொண்ட ஒரு பெரிய மரம்
வெட்டப்பட்டு கடத்தப்பட்டிருப்பதை வெள்ளிக்கிழமை காலை வனத்துறை அதிகாரிகள்
கண்டு அதிர்ச்சி அடைந்தனர். கடந்த வியாழக்கிழமை இரவு
பங்களாவுக்குள் புகுந்த மர்ம நபர்கள் மரத்தை அடியோடு அறுத்து எடுத்துச்
சென்றது தெரிய வந்துள்ளது. இந்த மரம் பல்லாயிரக் கணக்கான ரூபாய்
மதிப்புடையது. இது குறித்து வனத்துறை அதிகாரிகள் சேலம்-அஸ்தம்பட்டி
போலீஸில் புகார் செய்தனர்.÷கடந்த சில மாதங்களுக்கு முன்பு சேலம் மாவட்ட ஆட்சியரின் பங்களாவில் இருந்த சந்தன மரத்தை மர்ம நபர்கள் வெட்டிக் கடத்திச் சென்றனர். சேலம் மாவட்டம், ஓமலூர் நெடுஞ்சாலைத்துறை அலுவலக வளாகத்தில் இருந்த பெரிய சந்தன மரமும் வெட்டிக் கடத்தப்பட்டது. ÷அந்த
வழக்குகளில் இதுவரை துப்பு துலங்காத நிலையில், மாவட்ட வன அலுவலரின்
பங்களாவிலேயே சந்தன மரம் வெட்டிக் கடத்தப்பட்டிருப்பது, வனத்துறை
அதிகாரிகள், போலீஸôரிடையே அதிர்ச்சியை ஏற்படுத்தியுள்ளது.

கார்த்திக் · கார்த்திக் Mon 6 Sep 2010 - 10:55

வன அலுவலர் பங்களாவிலேயே சந்தன மரம் வெட்டி கடத்தல்

வன அலுவலர் பங்களாவிலேயே சந்தன மரம் வெட்டி கடத்தல்

Re: வன அலுவலர் பங்களாவிலேயே சந்தன மரம் வெட்டி கடத்தல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக