லிபியாவில் தவிக்கும் 80 தமிழர்கள்-மீட்கக் கோரிக்கை

ரபீக் · ரபீக் Sat Sep 04, 2010 2:50 pm

லிபியாவில் கட்டுமான வேலைக்காக சென்று முறையாக சம்பளம் தரப்படாமல் கடும் தவிப்புக்குள்ளாகியுள்ளனர் தமிழகத்தைச் சேர்ந்த 80 தொழிலாளர்கள். இவர்களை மீட்குமாறு மத்திய அரசுக்கு கோரிக்கை விடுக்கப்பட்டுள்ளது.

வட ஆப்பிரிக்க நாடான லிபியாவுக்கு கட்டடப் பணிக்காக 2009 டிசம்பரில் தமிழகத்தைச் சேர்ந்த சில பொறியாளர்கள் உள்பட 86 பேர் சென்றுள்ளனர்.

நல்ல வேலை, அதிக ஊதியம் கிடைக்கும் என்று கூறியதன் அடிப்படையில் சென்னை மற்றும் மதுரையைச் சேர்ந்த இரண்டு ஏஜென்சிகள் மூலம் அவர்கள் லிபியா சென்றனர்.

ஆனால் அவர்களுக்கு சொன்னபடி சம்பளம் தரவில்லை. சரியான சாப்பாடும் கிடைக்கவில்லை. அதேசமயம் கடுமையாக வேலை வாங்கப்படுகின்றனர். சொல் பேச்சு கேட்காதவர்களை சித்திரவதை செய்வதாகவும் கூறப்படுகிறது.

இந்த நிலையில், அவர்களில் 6 பேருக்கு, அவர்களது குடும்பத்தினர் விமான டிக்கெட்டை அனுப்பி வைத்து தமிழகத்திற்கு வரவழைத்து மீட்டுள்ளனர். ஆனால் மற்ற 80 பேரும் லிபியாவிலேயே சிக்கித் தவித்து வருகின்றனர்.

அவர்கள் ஷபா என்ற ஊரில் முகாமில் அடைத்து வைக்கப்பட்டுள்ளனராம். இவர்களில் 10 பேரின் குடும்பத்தினர் சென்னையில் உள்ள வெளிநாடு வாழ் இந்தியர் நலனுக்கான அமைச்சரவை அலுவலகத்தில் புகார் மனு அளித்துள்ளனர்.

மத்திய அரசு தலையிட்டு 80 பேரையும் மீட்க நடவடிக்கை எடுக்க வேண்டும் என அவர்கள் கோரியுள்ளனர்

நன்றி தட்ஸ்தமிழ்

அன்பு தளபதி · அன்பு தளபதி Sat Sep 04, 2010 2:53 pm

தமிழக அரசே உடனடி நடவடிக்கை எடு

**உமா** · **உமா** Sat Sep 04, 2010 2:54 pm

வெளிநாட்டு மோகம், அதிக பணம் என்ற ஆசை வைத்தாலே
இப்படிதான் நடக்கும்... என்ன கொடுமை சார் இது

அவர்கள் விரைவில் வெளிவர நடவடிக்கை எடுத்தால் நல்லா இருக்கும்..கடவுள் தான் இவர்களை காப்பத்தனும்... சோகம்

masthan · masthan Sat Sep 04, 2010 3:46 pm

அனைவரையும் அல்லாஹ் காப்பாற்றுவானாக ஆமீன்
ஆமீன் யா ரப்பில் ஆலமீன்

Sponsored content · Sponsored content

லிபியாவில் தவிக்கும் 80 தமிழர்கள்-மீட்கக் கோரிக்கை

லிபியாவில் தவிக்கும் 80 தமிழர்கள்-மீட்கக் கோரிக்கை

Re: லிபியாவில் தவிக்கும் 80 தமிழர்கள்-மீட்கக் கோரிக்கை

Re: லிபியாவில் தவிக்கும் 80 தமிழர்கள்-மீட்கக் கோரிக்கை

Re: லிபியாவில் தவிக்கும் 80 தமிழர்கள்-மீட்கக் கோரிக்கை

Re: லிபியாவில் தவிக்கும் 80 தமிழர்கள்-மீட்கக் கோரிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக