52,000 கோடி நகைகளுக்கு இன்சூரன்ஸ்

டயானா · டயானா Sat Sep 04, 2010 10:41 am

ஐதராபாத் : உலகிலேயே பணக்கார தெய்வமான திருப்பதி
ஏழுமலையானுக்கு சொந்தமான ^52,000 கோடி நகைகளுக்கு இன்சூரன்ஸ் செய்ய
தேவஸ்தானம் முடிவு செய்துள்ளது. தினசரி 70,000 பக்தர்கள் தரிசனம் செய்யும்
திருப்பதி ஏழுமலையானுக்கு சொந்தமாக ^52,000 கோடிக்கு தங்க, வைர நகைகள்
இருக்கின்றன. இது ஆந்திர அரசின் ஆண்டு பட்ஜெட் தொகையான ^1 லட்சம் கோடியில்
பாதி. அவற்றில் பல நகைகள் 12ம் நூற்றாண்டு உட்பட மிகப் பழமையானவை.
தினமும்
ஏழுமலையானுக்கு காணிக்கையாக கோடிக்கணக்கான பணம் மட்டுமின்றி தங்க, வைர
நகைகள் குவிந்து வருகின்றன. இதுவரை 20 டன் தங்க, வைர நகைகளை திருப்பதி
தேவஸ்தானம் பராமரித்து வருகிறது.

கடந்த ஆண்டில் கர்நாடக அமைச்சர்
ஜனார்த்தன ரெட்டி மட்டும் ^42 கோடி மதிப்புள்ள வைர கிரீடத்தை
ஏழுமலையானுக்கு காணிக்கையாக அளித்தார். இதுபோல, நாட்டின் நம்பர் ஒன்
பணக்கார தொழிலதிபர் முகேஷ் அம்பானி உட்பட பலரும் காணிக்கையை வாரி
இறைப்பதுண்டு.
^52,000 கோடி மதிப்புள்ள நகைகளை பாதுகாக்கும் வகையில்
அவற்றை இன்சூரன்ஸ் செய்ய திருப்பதி தேவஸ்தானம் இப்போது முடிவு
செய்துள்ளது. அதற்காக அரசுக்கு சொந்தமான பொது இன்சூரன்ஸ் நிறுவனங்களை
அணுகியுள்ளது.

இதுபற்றி முன்னணி இன்சூரன்ஸ் நிறுவன உயரதிகாரி
கூறுகையில், ‘‘ஏழுமலையானுக்கு சொந்தமான ^52,000 கோடி நகைகளை ஒரே நிறுவனம்
இன்சூரன்ஸ் செய்வது இயலாத காரியம். பல நிறுவனங்கள் இணைந்தே இந்த சவாலை
ஏற்க முடியும்’’ என்றார்.
தேவஸ்தான உயரதிகாரி கூறுகையில், ‘‘12ம்
நூற்றாண்டை சேர்ந்த புராதன நகைகள் உட்பட பல அரிய வைர, வைடூரிய, தங்க
நகைகள் உள்ளன. அவற்றின் வரலாற்று சிறப்பை முன்னிட்டு இன்சூ
ரன்ஸ் செய்வது அவசியமாகிறது. இன்சூரன்ஸ் நிறுவனத்தை தேர்வு செய்யும் நடைமுறைகளில் ஈடுபட்டுள்ளோம்’’ என்றார்.

52,000 கோடி நகைகளுக்கு இன்சூரன்ஸ்

52,000 கோடி நகைகளுக்கு இன்சூரன்ஸ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக