நல்லாசிரியர் விருதுக்கு தேர்வான தலைமை ஆசிரியர் மரணம்

டயானா · டயானா Sat Sep 04, 2010 10:23 am

திருப்பூர் : நல்லாசிரியர் விருதுக்கு தேர்வு செய்யப்பட்டுள்ள,
திருப்பூர் மாவட்டம் குடிமங்கலம் ஒன்றியத்துக்கு உட்பட்ட
ராமச்சந்திராபுரம் தொடக்கப்பள்ளி தலைமை ஆசிரியர் சிவசுப்ரமணியம்,
மாரடைப்பால் மரணமடைந்தார். இதனால், அவ்விருதை அவரது மனைவி வாங்க உள்ளார்.
மாநில நல்லாசிரியர் விருதுக்கு, பள்ளி ஆசிரியர்கள் தேர்வு
செய்யப்பட்டுள்ளனர். தேர்வு செய்யப்பட்டுள்ள ஆசிரியர்களுக்கு வரும் 5ம்
தேதி விருது வழங்கப்படுகிறது. இதில், திருப்பூர் மாவட்டத்தில் ஆறு தலைமை
ஆசிரியர்கள் நல்லாசிரியர் விருதுக்கு தேர்வு செய்யப்பட்டுள்ளனர்.
ராமச்சந்திராபுரம் ஊராட்சி ஒன்றிய தொடக்கப்பள்ளி தலைமை ஆசிரியர்
சிவசுப்ரமணியம் இவ்விருதுக்கு தேர்வு செய்யப்பட்டுள்ளார். இவருக்கு
சர்க்கரை நோய் பாதிப்பு இருந்துள்ளது. கடந்த மாதம் 21ம் தேதி உடல்நலம்
பாதிக்கப்பட்டு மாரடைப்பால் மரணமடைந்தார்.தொட்டம்பட்டி பள்ளியில் 23
ஆண்டுகள் ஆசிரியராக பணியாற்றியுள்ளார். கடந்த ஐந்து ஆண்டுகளாக
ராமச்சந்திராபுரம் பள்ளி தலைமை ஆசிரியராக பணியாற்றினார். தமிழ்நாடு
ஆரம்பப்பள்ளி ஆசிரியர் கூட்டணி வட்டார செயற்குழு உறுப்பினராகவும்
இருந்துள்ளார்.
அவரது குடும்பத்தினர் கூறுகையில், "ஆசிரியர் பணி மீது மிகுந்த
மதிப்பு வைத்திருந்தார். பள்ளியை தூய்மையாக வைப்பது, மாணவர்களுக்கு நல்ல
பண்புகளை கற்பிப்பது, அமைதி மற்றும் பொறுமையுடன் செயல்படுவது உள்ளிட்ட
செயல்பாடுகளை பார்த்து கல்வி அலுவலர்கள் பலர் பாராட்டி உள்ளனர்.
உழைப்புக்கு பயனாக நல்லாசிரியர் விருது அறிவிக்கப்பட்டுள்ளது. அவர்
இல்லாதது மிகுந்த துயரத்தை ஏற்படுத்துகிறது' என்றனர்.அவரது சார்பாக, மனைவி
வள்ளியம்மாள் வரும் 5ம் தேதி சென்னையில் நடக்கும் விழாவில் பங்கேற்று,
விருதை பெற்றுக் கொள்கிறார்.

நல்லாசிரியர் விருதுக்கு தேர்வான தலைமை ஆசிரியர் மரணம்

நல்லாசிரியர் விருதுக்கு தேர்வான தலைமை ஆசிரியர் மரணம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக