பெரியாறில் நீளமான புழுக்கள் அலுவா பகுதியில் மக்கள் பீதி

டயானா · டயானா Sat Sep 04, 2010 10:19 am

திருவனந்தபுரம் : கேரளாவில் பெரியாற்று தண்ணீரில் நீளமான புழுக்கள்
ஆயிரக்கணக்கில் படையெடுத்து வந்ததால், ஆற்றில் குளிக்கச் சென்ற பொதுமக்கள்
பீதி அடைந்தனர்.
பூச்சிமருந்து அடித்தும், அந்த புழுக்கள் இறக்காததால், நகராட்சி
ஊழியர்களும் கவலை அடைந்துள்ளனர்.கேரளா, அலுவா மாவட்டத்தில் மணல்புரம் என்ற
இடம் உள்ளது. இங்கு சிவன்கோவில் ஒன்றும் உள்ளது. பெரியாற்றின்
கரையோரத்தில் இந்த கோவில் அமைந்துள்ளதால், ஏராளமான பக்தர்களும்,
பொதுமக்களும், இங்கு நீராடுவர்.நேற்று முன்தினம் மாலையிலும் வழக்கம்போல்
பொதுமக்கள் இங்கு நீராடிக் கொண்டிருந்தனர். அப்போது ஆற்று நீரில் ஏராளமான
புழுக்கள் மிதந்து வந்தன. வழக்கமான புழுக்களை விட மிகவும் நீளமாக இவை
இருந்தன. ஒவ்வொரு புழுக்களும் 10 செ.மீ., நீளம் இருந்ததால், குளித்துக்
கொண்டிருந்தவர்கள், பீதி அடைந்து அலறி அடித்துக் கொண்டு கரைக்கு ஓடினர்.
இதையடுத்து, ஆலுவா நகராட்சி ஊழியர்களும், சுகாதாரத் துறை அதிகாரிகளும்
ஆற்றுக்கு விரைந்தனர். புழுக்களின் படையெடுப்பை தடுக்கவும், அவற்றை
ஆற்றில் இருந்து அகற்றவும் முழு வீச்சில் நடவடிக்கை எடுத்தனர். ஆற்றில்
மிதந்து சென்ற ஏராளமான புழுக்கள், அங்கிருந்து அகற்றப்பட்டன. அவற்றின்
மீது பூச்சிக்கொல்லி மருந்தை, நகராட்சி ஊழியர்கள் அடித்தனர். ஆனால்,
பூச்சிக்கொல்லி மருந்து அடித்தும், அந்த புழுக்கள் சாகவில்லை. இதனால்,
நகராட்சி ஊழியர்கள் கலக்கம் அடைந்தனர்.பெரியாற்றில் உள்ள தண்ணீரை
சுத்திகரிப்பு செய்து, கொச்சி, எர்ணாகுளம் உள்ளிட்ட இடங்களுக்கு
அனுப்புவதற்காக சுத்திகரிப்பு மையம் ஒன்றும் இங்கு செயல்பட்டு வருகிறது.
ஆற்று நீரில் புழுக்கள் பெருமளவில் காணப்படுவதால், குடிநீர் சுத்திகரிப்பு
பணியும் பாதிக்கப்படுமோ என்ற கவலையும் ஏற்பட்டுள்ளது.

பெரியாறில் நீளமான புழுக்கள் அலுவா பகுதியில் மக்கள் பீதி

பெரியாறில் நீளமான புழுக்கள் அலுவா பகுதியில் மக்கள் பீதி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக