வங்கி செக் "ரிட்டர்ன்' ரிசர்வ் வங்கி உத்தரவு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

வங்கி செக் "ரிட்டர்ன்' ரிசர்வ் வங்கி உத்தரவு

#388531

டயானா
இளையநிலா: பதிவுகள் : 650
இணைந்தது : 23/07/2010

Post டயானா Sat Sep 04, 2010 10:13 am

மும்பை :
கணக்கில் செலுத்தப்படும் "செக்'குகள், பல்வேறு
காரணங்களுக்காக திருப்பிஅனுப்பப்படும் பட்சத்தில், மறுக்கப்படுவதற்கான
காரணத்தை குறிப்பிட்டு, சம்பந்தப்பட்ட நபர்களுக்கு குறிப்பாணை அனுப்ப
வேண்டும்' என வங்கிகளுக்கு, மத்திய ரிசர்வ் வங்கி உத்தரவிட்டுள்ளது.
வங்கிக் கணக்கில் வாடிக்கையாளர், செலுத்தும் "செக்'குகள் கணக்கில்
பணம் இல்லாததாலோ , கையெழுத்து மாறியிருந்தாலோ அவை மறுக்கப்பட்டு,
திருப்பி அனுப்பப்படும்( ரிட்டர்ன்). இவ்வாறு "செக்'குகளை பல்வேறு
காரணங்களுக்காக திருப்பி அனுப்பும் போது, வங்கிகள் ஒரே மாதிரியான
நடவடிக்கையை கடைபிடிக்கும்படி ரிசர்வ் வங்கி அறிவுறுத்தியுள்ளது. இது
தொடர்பாக மத்திய ரிசர்வ் வங்கி அனுப்பியுள்ள சுற்றறிக்கையில்
கூறியிருப்பதாவது:"செக்'குகளை திருப்பி அனுப்பும்போது, அவற்றிற்கான
காரணத்தை குறிப்பிட்டு, குறிப்பாணை அனுப்ப வேண்டும்.
பிரச்னை ஏற்படும்பட்சத்தில், அது சட்ட நடவடிக்கை எடுக்கும் வகையில்,
சட்டக் குறிப்புகளை உள்ளடக்கிய ஆவணமாக இருக்க வேண்டும்.செக் திரும்பி வந்த
தேதி, பணம் மறுக்கப்பட்டதற்கான காரணம் உட்பட ஆட்சேபணை அடங்கிய குறிப்பு
மற்றும் எந்தந்த காரணங்களுக்காக செக் மறுக்கப்படும் என்ற பட்டியல்
அடங்கிய விளக்க ஏடு ஆகியவை இடம் பெற்று இருக்க வேண்டும்.இவ்வாறு ரிசர்வ்
வங்கி அனுப்பிய சுற்றறிக்கையில் குறிப்பிடப்பட்டுள்ளது.