தோழமையயோடு

**மு.வித்யாசன்** · 19/03/2010

ஒரு முறைதான் வாழ்க்கை பயணம்
ஆதலால் துளி நிமிடமும் கலங்கிடாதே..

ஒருமுறை தான் நம் சரித்திரம்
மானம் மட்டும் இழந்து விடாதே...

துணிந்து போராடு
குனிந்து மட்டும் போகாதே..

பனிந்து நட
ஒருபோதும் பயந்து விடாதே..

விடியலை தேடு
இடிந்து விடாதே

காற்றுக்கு ஒடிந்து போகும்
வாழையாக இராது
வளைந்து கொடுக்கும்
நாணலாக மாறி விடு...

உனக்கென்று கொள்கை
ஒன்றை வகுத்துக் கொள்
அதில் ஒழுக்கம் மாறாது
காத்துக்க்கொள்...

நாளும் அறிவை
பெருக்கிக்கொள்
நாணயம் தவறாது
நடந்துகொள்...

ஊக்கம் தனை உனக்குள்
வளர்த்துக்கொள்
ஏக்கத்தை மட்டும்
கக்கத்தில் வைத்துக்கொள்...

தூக்கத்திலும்
லட்சியத்தை காண்
மயக்கத்திலும்
வாய்மை வழி நில்...

ஆசையை
அறவே கொல்
அன்பை
அனுதினமும் விதை...

கொடுமைக்கு
எதிராக குரல்கொடு
பெண்மைக்கு
என்றும் வழிவிடு...

வீரம் தோய்ந்த
நெஞ்சம் கொண்டு
வீழும் யாவரையும்
மீட்டு எடு...

இது யாவும்
எமக்கு அமைய வேண்டும்
என்று ...

தோழமையயோடு
ஆதரவு கொடு.