ரசம் கரைக்க ஆகுமாடா நம் அடுக்குப்பானை புளி?

அன்பு தளபதி · அன்பு தளபதி Thu Sep 02, 2010 10:41 pm

தவளை கூச்சலில்
விழித்துக்கொண்டு
தாழ்வாரத்தில் சொட்டும்
மழை போல
யாருக்கும் தெரியாது அழாவிடில்
எதற்கு தோற்கணும் காதலை?

நீ நேசித்த
மனுஷியின் கதையையும்
மனைவி நேசித்த
மனுஷனின் கதையையும்
பேசாமல் நிறையுமா
புணர்தலின் பின்னிறைவு சாந்தி?

சைக்கிள் முன்னிருக்கையில்
அமர்த்திய மகளின் வெறுங்கழுத்தில்
சவரம் செய்யாத நாடி கொண்டு
கூச்சம் செய்ய இயலவில்லையெனில்
என்ன பயன் பெண்ணை பெற்று?

கண்களை பொத்தும்
மகனின் கரங்களை
வேண்டும் என்றே
வேறு பெயர் இட்டு அழைக்காவிடில்
என்னய்யா தகப்பன் நாம்?

பேரனின் சிறுநீர்
நனைக்காத நெஞ்சுக்குழி
இருந்தென்ன மயிறு வெந்தன்ன?

ஓவியமான
ஒரே ஒரு வாழ்வில்
உயிருக்கும் உயிருக்கும் கூட
கொடுக்கல் வாங்கல்
இல்லை எனில்...

ரசம் கரைக்க ஆகுமாடா
நம் அடுக்குப்பானை புளி?

நன்றி பா.ரா .வலைப்பூ

மஞ்சுபாஷிணி · மஞ்சுபாஷிணி Thu Sep 02, 2010 10:48 pm

சம்மட்டி அடி வரிகள்.....

இயல்பாய் எதார்த்தமாய் வாழ்ந்த காலம் முடிந்ததே.....

கனவாய் போன நெடும் நீண்ட காலங்களாய் இப்போது கவிதையிலும் கதையிலும் மட்டுமே காணமுடிகின்ற உள்ளத்து உணர்வுகள் இன்றைய காலக்கட்டத்தில் மரத்துப்போனதும் மூத்தோரை வணங்கிய நாட்கள் தேதி கிழித்த காலண்டராய் மறைந்து போனதும்....

பிறந்தது மகளென்றால் ஐயோ இனி இதற்கு கல்யாணத்துக்கும் வரதட்சணைக்கும் சேர்க்கும் பணங்களில் பாசம் நலிந்து போனதும்.....

மிக அழகிய வரிகள் மணி உனக்கும்பிடித்தது என்று எமக்கும் பகர்ந்தமைக்கு அன்பு நன்றிகள்பா....

வித்தியாசமான உன் தனித்துவமான சிந்தனை நீ தேர்ந்தெடுத்து போடும் கவிதைகளில் தெரிகிறது மணி.....

அன்பு தளபதி · அன்பு தளபதி Thu Sep 02, 2010 10:50 pm

மஞ்சுபாஷிணி wrote:சம்மட்டி அடி வரிகள்.....

இயல்பாய் எதார்த்தமாய் வாழ்ந்த காலம் முடிந்ததே.....

கனவாய் போன நெடும் நீண்ட காலங்களாய் இப்போது கவிதையிலும் கதையிலும் மட்டுமே காணமுடிகின்ற உள்ளத்து உணர்வுகள் இன்றைய காலக்கட்டத்தில் மரத்துப்போனதும் மூத்தோரை வணங்கிய நாட்கள் தேதி கிழித்த காலண்டராய் மறைந்து போனதும்....

பிறந்தது மகளென்றால் ஐயோ இனி இதற்கு கல்யாணத்துக்கும் வரதட்சணைக்கும் சேர்க்கும் பணங்களில் பாசம் நலிந்து போனதும்.....

மிக அழகிய வரிகள் மணி உனக்கும்பிடித்தது என்று எமக்கும் பகர்ந்தமைக்கு அன்பு நன்றிகள்பா....

வித்தியாசமான உன் தனித்துவமான சிந்தனை நீ தேர்ந்தெடுத்து போடும் கவிதைகளில் தெரிகிறது மணி.....

srinihasan · srinihasan Fri Sep 03, 2010 10:04 am

ஜி.. தாங்கள் ரசித்து இங்கே பதிவு செய்த இக்கவிதை அருமை... மகிழ்ச்சி

அடுக்குப்பானை புளியும் இன்று இல்லாமல் போனது.... ரசம் கரைக்க புளி தேவை இல்லாமல் ரசமே தயார் நிலையில் பாக்கெட்டில் இன்று கடைகளில் விற்பனைக்கு வந்து விட்டது...

அதுமாதிரியே என்னவோ இந்த பாழாய் போன நம்ம மானிட பிறவியும்... உறவுகளை பிரிந்து... பரிவை மறந்து செயற்கையான மாய உலகத்தில் வாழ்ந்துக்கொண்டும்... அதனையே உலகமென ரசித்துக்கொண்டும்...

பிரிந்த உறவுகள் ஒருநாள் சேரும்... என்ற நம்பிக்கையும்
மறந்த மானுடம் ஒருநாள் மாறும்...என்ற கனவுகளுடனும்

மிக்க நன்றி ஜி....

அன்பு தளபதி · அன்பு தளபதி Fri Sep 03, 2010 1:16 pm

நன்றி ஸ்ரீ ஜி

Sponsored content · Sponsored content

ரசம் கரைக்க ஆகுமாடா நம் அடுக்குப்பானை புளி?

ரசம் கரைக்க ஆகுமாடா நம் அடுக்குப்பானை புளி?

Re: ரசம் கரைக்க ஆகுமாடா நம் அடுக்குப்பானை புளி?

Re: ரசம் கரைக்க ஆகுமாடா நம் அடுக்குப்பானை புளி?

Re: ரசம் கரைக்க ஆகுமாடா நம் அடுக்குப்பானை புளி?

Re: ரசம் கரைக்க ஆகுமாடா நம் அடுக்குப்பானை புளி?

Re: ரசம் கரைக்க ஆகுமாடா நம் அடுக்குப்பானை புளி?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக