அழகான தமிழ் மின்னூல் (EBook) செய்வது எப்படி?

இணையத்தில் இப்போது கணனியில் வாசிப்பதற்கான மின்புத்தகங்கள் (Ebook) தாராளமாகவே கிடைக்கின்றன. கடைத்தெரு, நூல் நிலையம் என்று நடந்து சென்று நல்ல புத்தகங்கள் எங்கே கிடைக்கும் என்று அலைந்து திரிந்து களைத்துப் போய்விடாமல் வீட்டில் இருந்தபடியே கணனி மவுஸ் பட்டனை அழுத்தி விரும்பிய புத்தகங்களை தெரிவு செய்து படிக்கும் முறை நன்றாகத்தான் இருக்கிறது அதுவும் இலவசமாக இணையத் தளங்களிலிருந்து எத்தனையோ தமிழ், ஆங்கில மின் புத்தகங்களை சுலபமாக தரவிறக்கம் செய்துகொள்ள முடிகிறது..

உதாரணமாக ஆங்கிலத்தில்
http://manybooks.net,
www.mobipocket.com,
www.free-ebooks.net,
www.ereader.com/ereader/eBooks/freebooks.htm? போன்ற பல தளங்களிலிருந்து பல்வகையான புத்தகங்களை இலவசமாக தரவிறக்கிக் கொள்ளலாம்.
அதுபோல் தமிழிலும் அதிகளவு மின்புத்தகங்கள் கிடைக்கின்றன.
ஈழத் தமிழ் மண்ணின் ஆக்கங்களைக் களஞ்சியப்படுத்தி www.noolaham.org என்ற முகவரியில் மின்நூலகம் ஒன்றைக் காணலாம்.
அதேபோல் தமிழகத்திலிருந்து இணையத்தள இலவச நூலகங்களாக
http://www.chennailibrary.com,
http://www.projectmadurai.org/pmworks.html மற்றும்
http://www.tamilvu.org/library/libcontnt.htm போன்ற பல தளங்கள் காணப்படுகின்றன.

இந்த வகையான இணையத்தள நூலகங்களில் இலவசமாகக் கிடைக்கும் தமிழ் மின்புத்தகங்கள் பெரும்பாலும் PDF File முறையிலும் HTML வகையான கோப்புக்களாகவுமே காணப்படுகின்றன.

அதேவேளை ஆங்கிலமொழி மின் நூல்களை வசிப்பதற்கு,பிறிதான Ereader என்று கூறப்படும் ஒரு மென்பொருளை உருவாக்கி வைத்திருப்பதைக் காண முடிகிறது. இந்த வாசிப்புக்குரிய மென்பொருளானது அழகான வடிவத்தை நிறங்களை பின்னணி படங்களை உருவாக்கும் வசதி கொண்டிருப்பதால் அதன் மூலம் நாம் வாசிக்கும் மின் புத்தகத்தின் அழகு மேம்படுகிறது. இப்படிப்பட்ட மென்பொருளை உருவாக்கி பிரத்தியோகமான வாசிப்பு கருவிகளில் ஏன் நாமும் வாசிக்கும் பழக்கத்தை உண்டாக்க கூடாது

இதோ இப்போது ஆங்கில eReader கள் சிலவற்றின் மூலம், தமிழ் மின்நூல்களை நாம் எப்படி அழகுறச் செய்வது என்று பார்ப்போம். இப்படியான நூல்களை நீங்கள் செய்து மற்றவரும் பயன்படும்படி செய்து கொள்ளலாம்.

eReader மென்பொருட்கள் iPhone, iPod touch, BlackBerry, Palm OS, PocketPC, Windows Mobile, Smartphone Symbian போன்றவற்றிலும் பாவிக்கும் வகையில் இருப்பதால், இப்படி உருவாக்கும் தமிழ் மின்புத்தகங்களை இந்த மின் தொடர்பு சாதனங்கள் வைத்திருப்போரும் அவற்றில் பதிவு செய்துவைத்து வாசிக்க முடியும். (பரீட்சித்து பார்க்கவில்லை)

ஆங்கில வாசிப்பு மென்பொருட்கள் பலவகை உண்டு. இவை இலவசமாகவே கிடைக்கின்றன. உதாரணத்திற்கு eReader, microsoft Lit, Plucker, MobiPokcet, Ebook Maestro, FBReader எனப் பலவகை காணப்படுகின்றன.


1. eReader
முதலில் eReader ல் எப்படி தமிழ் மின்புத்தகம் உருவாக்குவது என்று பார்க்கலாம்.

இதற்கு நாம் முதலில் தயார் படுத்த வேண்டியது சுருக்கமாக
1) கதை அல்லது ஏதாவது தமிழ் எழுத்தாக்கம்
2) eReader Pro for Windows
3) Open office Writer 3 .2
4) பாமினி வகை சார்ந்த எழுத்துரு .
5) அவசியமேற்படில் ஈகரை எழுத்து உருமாற்றி

முதலில் http://www.ereader.com/ என்ற இணையத்தளத்திலிருந்து வாசிப்புக்கான மென்பொருளை (eReader Pro for Windows) தரவிறக்கம் செய்து கொள்ளுங்கள்.
இங்கே சுட்டியை அழுத்தி பெறலாம்
http://www.ereader.com/ereader/software/browse.htm

இதை கணனியில் நிறுவி வைத்துக் கொள்ளவும்.

( குறிப்பு: இதே இணையத்தளத்தில் அல்லது manybooks.net இல் நிறைய இலவச ஆங்கில மின் புத்தகங்கள் கிடைக்கின்றன. தரவிறக்கம் செய்து இந்த reader மூலம் வாசிக்கலாம். ( '.Pdb' என்ற வகையிலான மின்நூல்கள் மட்டுமே.)

2. நீங்கள் எழுதிய அல்லது மின்நூலாக ஆக்க விரும்பும், கதை, கவிதை போன்றவை, TSCI அல்லது பாமினி வகையை சேர்ந்த எழுத்து முறையால் ஆனதென்றால் அப்படியே 4) வது செயலினை தொடரலாம் இல்லையேல்

3. unicode முறையிலோ அல்லது Tsci முறையிலோ இருக்கும் ஆக்கத்தை பாமினி முறைக்கு மாற்ற வேண்டும். இதற்கு இங்குள்ள (ஈகரை தமிழ் களஞ்சியம்) எழுத்துமாற்றி மூலம் உங்கள் கதையை வெட்டி ஒட்டி மாற்றிக் கொள்ளவும்.

இப்போது பாமினி உருவிற்கு மாற்றிய கதையினை copy செய்து கொள்ளவும்

4,) Open office Writer ஐ திறந்து அதில் பிரதி செய்த கதையை Paste செய்யவும். இந்த document ஐ சேமிப்பதற்கு save as ஐ தெரிவு செய்து Save Type -------- AportisDoc (Palm *.Pdb) என்ற முறையில் பதிவு செய்து கொள்ளவும்.


இப்போது கதை தயார். eReader ஐ திறந்து அதற்குள் கதையை எடுத்து வைப்பதன் (அல்லது File ------------> add Books) மூலம் புதிய வடிவில் கதையை வாசிக்கலாம். எழுத்துக்கள் முதலில் புரியாத வடிவில் காணப்படும். Menu வில் view ----> view setting ல் சென்று ஏதாவ்து ஒரு bamini எழுத்துருவுக்கு மாற்றிக் கொள்ளவும். இங்கே டிசைன், எழுத்துரு மாற்றம், நிறம் இவைகளை மாற்றி கொள்ளலாம். கீழே உள்ள Save ஐ பயன்படுத்தி பதிந்து வைத்துவிட்டால் மீண்டும் eRaeder ஐ திறக்கும்போது விரும்பிய தெரிவு மாறாமல் இருப்பதைக் காணலாம்.

அடுத்த தடவை வேறுவகை மின்புத்தகம் செய்வதைப் பார்ப்போம்

நன்றி!

மிகவும் பயனுள்ள தகவல் நண்பா

நன்றி நண்பா

உதாரணத்துக்காக மாதிரி மின்னூல் ஒன்று செய்துள்ளேன்.
தரவிறக்கம் செய்து பார்க்கவும். இங்கே பாமினி வகையான எழுத்துக்கள் கொண்டே மின்னூலைப் பார்வையிடலாம்.

Ebook -ரமணிச்சந்திரன் (4kb )
அல்லது
இனி எல்லாம் நீயல்லவோ

Ebook + Ereader (7mb)

நன்றி ஐயா

பயனுள்ள தகவல்...
கடினமாக இருக்குமென நினைக்கிறேன்!!!!!!!!!

உமா wrote:பயனுள்ள தகவல்...
கடினமாக இருக்குமென நினைக்கிறேன்!!!!!!!!!

நிச்சயமாக இல்லை. நான் நிறைய எழுதி உங்களை குழப்பிவிட்டேனோ தெரியாது.
நறுக்காக நாலு வார்த்தையில் கூறினால்.

Open office 3 .2 தரவிறக்கம் செய்து நிறுவிக்க் கொள்ளுங்கள்.
பாமினிவகை எழுத்துரு தரவிறக்கம் செய்து கொள்ளுங்கள்
eReader தரவிறக்கம் செய்து நிறுவிக்கொள்ளுங்கள்
Unicode ல் கதை இருந்தால் எழுத்துருமாற்றி தேவை

இவைகளில் Open offfice ஐ தவிர மற்றைய மூன்றையும், மாதிரி மின்னூலையும் இங்கே பெற்றுக்கொள்ளுங்கள்.
Ebook_kit
ஓபன் ஆபீஸ் இங்கே
(எழுத்துரு மாற்றியில் unicode to bamini யை தெரிவு செய்யுங்கள் )

கதையை copy பண்ணி எழுத்துருமாற்றியில் மேலே paste செய்து கீழே வருவதை copy செய்யவும்
Open Office writer ல் இதை paste செய்யவும்
save as ---- pdb
reader ஐ திறந்து add book மூலம் புத்தகத்தை உள்ளே போட்டதும் புத்தகம் ரெடி
எழுத்தை மாற்ற view வுக்கு செல்லுங்கள்

மிகவும் அழகாக விளக்கமளித்து பயனுள்ள தரவிறக்க சுட்டிகளையும் தந்துள்ளீர்கள்!

மிகவும் நன்றி அண்ணா!

kirikasan wrote:

உமா wrote:பயனுள்ள தகவல்...
கடினமாக இருக்குமென நினைக்கிறேன்!!!!!!!!!

நிச்சயமாக இல்லை. நான் நிறைய எழுதி உங்களை குழப்பிவிட்டேனோ தெரியாது.
நறுக்காக நாலு வார்த்தையில் கூறினால்.

Open office 3 .2 தரவிறக்கம் செய்து நிறுவிக்க் கொள்ளுங்கள்.
பாமினிவகை எழுத்துரு தரவிறக்கம் செய்து கொள்ளுங்கள்
eReader தரவிறக்கம் செய்து நிறுவிக்கொள்ளுங்கள்
Unicode ல் கதை இருந்தால் எழுத்துருமாற்றி தேவை

இவைகளில் Open offfice ஐ தவிர மற்றைய மூன்றையும், மாதிரி மின்னூலையும் இங்கே பெற்றுக்கொள்ளுங்கள்.
Ebook_kit
ஓபன் ஆபீஸ் இங்கே
(எழுத்துரு மாற்றியில் unicode to bamini யை தெரிவு செய்யுங்கள் )

கதையை copy பண்ணி எழுத்துருமாற்றியில் மேலே paste செய்து கீழே வருவதை copy செய்யவும்
Open Office writer ல் இதை paste செய்யவும்
save as ---- pdb
reader ஐ திறந்து add book மூலம் புத்தகத்தை உள்ளே போட்டதும் புத்தகம் ரெடி
எழுத்தை மாற்ற view வுக்கு செல்லுங்கள்

நறுக்குன்னு இப்போதான் புரிஞ்சது தோழரே!
நன்றி!