பிரித்தானியாவில் 7 லட்சம் பணக்காரர்களின் பெயர்கள் பட்டியலில் இருந்து நீக்கம்

by ரபீக் Thu 2 Sep 2010 - 13:24

பொருளாதார சீரழிவினால் கடந்த வருடங்களில் பணக்காரர்களாக கருதப்பட்ட பலரின் பெயர்கள் பட்டியலில் இருந்து நீக்கப்பட்டுள்ளது என நேற்று வெளியான புதிய ஆய்வு முடிவுகள் தெரிவிக்கின்றன. " டேட்டா மானிட்டர் " என்ற நிறுவனம் நடத்திய ஆராய்ச்சியில் இது தெரிய வந்துள்ளது.
இவ்வளவு அதிகப்படியான பிரித்தானிய மக்கள் பணக்காரர்கள் பட்டியலில் இல்லாமல் போவது இதுவே முதன் முறை. முதலீடுகளும் , சேமிப்புக்களும் பொருளாதார சீரழிவின் போது எந்த அளவிற்கு பாதிப்பிற்குள்ளாகி உள்ளது என்பதும் அந்த ஆய்வு முடிவுகளில் விளக்கமாக காட்டப்பட்டுள்ளது. இழந்தவற்றை மீண்டும் சம்பாதிக்க பத்தாண்டுகளுக்கும் மேல் ஆகலாம் எனவும் கூறப்பட்டுள்ளது.

பொருளாதார மந்த நிலைக்கு முன்னர் பிரித்தானியாவில் உள்ள 7.9 மில்லியன் மக்கள் பணக்காரர்களாக வகைப்படுத்தப்பட்டனர். இந்த பட்டியலில் இடம் பிடிக்க ஒருவர் 30,000 ஸ்டெர்லிங் பவுண்டுகளுக்கும் மேல் பணமாகவோ, சேமிப்பாகவோ, வங்கி பத்திரங்களாகவோ அல்லது பங்குச் சந்தை முதலீடுகளாகவோ வைத்திருக்க வேண்டும்.

ஓய்வூதியம் , பிற சொத்துக்கள் இந்த கணக்கில் சேராது. 2007 ஆம் ஆண்டிற்கு பின்னர் பொருளாதார மந்த நிலை காரணமாக தனியார் துறையில் பணியாற்றிய பலர் வேலை இழப்பை சந்திக்க நேர்ந்ததும் மேலும் தொடர்ந்து பணியாற்றிக் கொண்டிருந்த பலருக்கும் ஊதிய உயர்வு ஆண்டுக்கணக்கில் நிறுத்தி வைக்கப்பட்டதுமே இந்த நிலைக்கு காரணம் என ஆய்வு முடிவுகளில் கூறப்பட்டுள்ளது

நன்றி விடுப்பு குழுமம்

by கார்த்திக் Thu 2 Sep 2010 - 13:30

பிரித்தானியாவில் 7 லட்சம் பணக்காரர்களின் பெயர்கள் பட்டியலில் இருந்து நீக்கம்

பிரித்தானியாவில் 7 லட்சம் பணக்காரர்களின் பெயர்கள் பட்டியலில் இருந்து நீக்கம்

Re: பிரித்தானியாவில் 7 லட்சம் பணக்காரர்களின் பெயர்கள் பட்டியலில் இருந்து நீக்கம்