இன்று சேவாக்தான் சிறந்த தொடக்க வீரர் : ஹெய்டன் புகழாரம்

இன்றைய கிரிக்கெட் ஆட்டத்தில் ஒரு துவக்க வீரராக ஒருநாள், டெஸ்ட், இருபது ஓவர் கிரிக்கெட் என்று ஆச்சரியப்படும் வகையில் சிறப்பாக விளையாடி வரும் மிகச்சிறந்த வீரர் சேவாக் ஒருவரே என்று அவுஸ்திரேலிய முன்னாள் துவக்க வீரர் மேத்யூ ஹெய்டன் புகழாரம் சூட்டியுள்ளார்.
இது பற்றி அவர் கூறுகையில்:

"தொடக்க வீரர்களில் ஒரு சிலர் மட்டுமே சிறப்பாக ஆடி வருகிறார்கள். அதில் சேவாக்தான் முன்னணியில் இருக்கிறார். அதாவது உலகிலேயே சிறந்த தொடக்க வீரராக சேவாக் திகழ்கிறார்.

ஒவ்வொரு போட்டியிலுமே அவர் ஒரு தாக்கத்தை ஏற்படுத்தி இருக்கிறர். டெஸ்ட், ஒரு நாள் போட்டி, 20 ஓவர் போட்டி என அனைத்திலுமே சிறப்பாக ஆடுகிறார். அதிலும் முதல் பந்திலேயே அவர் அதிரடியாக ஆடுவது ஆச்சரியமாக இருக்கிறது. தொடக்கத்தில் இருந்தே எந்தவித பதட்டமும் இல்லாமல் அவர் ஆடுவது இயற்கையிலேயே அவருக்கு அமைந்துள்ளது. மிகப்பெரிய பலமாகும்.

அதிலும் அவர் கிரீஸ் எல்லைக்கு வெளியே வராமலே பந்தை விளாசுவது மிக சிறப்பானது. அவர் திறமைகளில் இதுவும் முக்கியமான ஒன்று. இது எல்லா வீரர்களாலும் முடியாது.

போட்டி எந்த சூழ்நிலையில் இருந்தாலும் அவர் பந்தை எதிர்கொள்ள தயங்குவதே இல்லை. எந்த பந்தையும் அடித்து நொறுக்குவது அவருடைய தனி திறமையை வெளிப்படுத்துகிறது. டெஸ்ட் போட்டி இப்போதும் உயிர் வாழ்கிறது என்றால் சேவாக் போன்ற வீரர்கள்தான் இதற்கு காரணம்.
இந்திய அணியில் டெண்டுல்கர் முன்னணி வீரராக திகழ்வது போல சேவாக்கும் முன்னணி வீரராக இருக்கிறார். அடுத்ததாக சுரேஷ் ரெய்னாவும் இந்திய அணியில் சிறப்பாக ஜொலித்து வருகிறார். அவர் முதல் டெஸ்ட் போட்டியிலேயே சதம் அடித்தது சிறப்பான துவக்கம் ஆகும்.

அவர் டெஸ்ட் ஒரு நாள் போட்டி, 20 ஓவர் போட்டி அனைத்துக்குமே பொருத்தமாக இருக்கிறார். அவர் சிறந்த ஆல் ரவுண்டராக வரவாய்ப்பு உள்ளது.

அது மட்டும் அல்ல அவர் இந்திய ஒரு நாள் அணி கேப்டனாக வரவும் வாய்ப்பு இருக்கிறது. அதற்கான தகுதிகளும் அவரிடத்தில் உள்ளன.
என்று தனது கருத்தைக் கூறியுள்ளார் ஹெய்டன்.
நன்றி விடுப்பு குழுமம்