பின்லாந்தில் கிடைத்த 200 ஆண்டு கால சாம்பைன்!

டயானா · டயானா Thu Sep 02, 2010 9:20 am

ஒயினில் ஒரு வகைதான் சாம்பைன் (champagne) ! அதாவது நம்ம ஊர் பாஷையில் சொல்வதானால் "ஒஸ்தி ஒயின்"!

பொதுவாகவே
இந்த ஒயின், விஸ்கி, சாம்பைன் வகையாறாவெல்லாம் எந்த அளவிற்கு பழசாக உள்ளதோ
அந்த அளவிற்கு அதன் ருசியும் தூக்கும் என்று சொல்லப்படுவது உண்டு.
இதனாலேயே இத்தகைய பானங்களை தயாரித்து அவற்றை ரக வாரியான அண்டாக்களில்
அடைத்து பூமிக்குள் புதைத்துவிடுவார்கள்.

நம்மூரில் சாராயத்திற்கு ஊறல் போடுவார்களே... அதேப்போன்றுதான்! ஆனால் தயாரிப்பு முறையும், (Process) மூலப்பொருட்களும்தான் ஒவ்வொன்றுக்கும் ஒவ்வொருவிதமாக இருக்கும்.

இந்த சாம்பைனுக்கு, "சாம்பைன்" என்ற நாமகரணம் வந்தது எப்படி? அதற்கும் ஒரு கதை உள்ளது.

ஒயினுக்கு எப்படி மூலபொருள் திராட்சையோ, அதேப்போன்றுதான் சாம்பைனுக்கும்!

பிரான்ஸ்
நாட்டின் வடகிழக்குப் பகுதியில் உள்ள "சாம்பைன்" என்ற இடம், உலகின்
மிகப்பெரிய திராட்சை தோட்டம் கொண்ட பிராந்தியமாக திகழ்கிறது.

"என்னை
பறித்துக்கொள்ளேன்" என்று நம்மை பார்த்துக் கெஞ்சுவது போன்று, கறுப்புத்
திராட்சைகள் கொத்துக் கொத்தாகத் தொங்குவதே பார்க்கும்போதே, நாக்கில்
எச்சில் ஊறும்! குடிமகன்களுக்கோ அதிலிருந்து தயாரிக்கப்படும் 'சரக்கை"
நினைத்து போதை தலைக்கேறும்!

இங்குள்ள
மலைக்குன்றுகள், பள்ளத்தாக்குகளையொட்டி பயிரிடப்பட்டிருக்கும் திராட்சைத்
தோட்டத்தை பார்த்தால், மனசும் அள்ளிக்கொண்டு போய்விடும்.

சுமார் 33 ஆயிரம் ஹெக்டேர் பரப்பளவில், பச்சை பசேலென இங்கு திராட்சைத் தோட்டங்கள் பரந்து விரிந்து கிடக்கிறது.

திராட்சை
விளைவிப்பதில் பல நூறாண்டுகளுக்கும் மேலாக புகழ்பெற்று விளங்கும்
இப்பகுதியிலிருந்து அனுப்பப்படும் திராட்சையிலிருந்து தயாரிக்கப்படும்
ஒயினின் ஒரு வகையே, அதன் பிறப்பிடத்தை வைத்து "சாம்பைன்" என்று
அழைக்கப்பட்டதாம்! பின்னர் அதுவே உற்சாக பானங்களில் ஒரு வகையாக
ஆகிப்போனது!

பார்ட்டிகள், கொண்டாட்டங்களில் பீய்ச்சி அடிப்பார்களே அதேதான்!

இத்தகைய
பெருமைகள் மற்றும் சிறப்புகள்(?!) வாய்ந்த சாம்பைனுக்குத்தான் இன்னொரு
பெருமை கிடைத்துள்ளது பின்லாந்தில்! சுமார் 200 ஆண்டு கால சாம்பைன்,
அங்குள்ள 'பால்டிக்" கடல் பகுதியில் கிடைத்திருப்பதாக வெளிவந்துள்ள
செய்திதான் அது!

பின்லாந்தின்
ஆலந்த் ஆர்ச்சிபெலகோ என்ற இடத்தில் உள்ள ஒரு தீவில் 200 ஆண்டு காலத்திற்கு
முந்தைய கப்பல் ஒன்று உடைந்து கிடந்ததாகவும், அந்த கப்பலில்தான் சுமார் 70
சாம்பைன் பாட்டில்கள் இருப்பது கண்டுபிடிக்கப்பட்டுள்ளதாகவும்
தெரிவிக்கப்பட்டுள்ளது. சுமார் 50 மீட்டர் ஆழத்தில் கிடக்கும் அவற்றை
வெளியே கொண்டுவரும் பணிகள் அதி தீவிரமாக ( பின்னே... 200 ஆண்டு
சரக்காச்சே! ) நடந்து வருகிறதாம்!

கடந்த
ஜூலை மாத மத்தியில்தான் சுவீடன் மற்றும் பின்லாந்தை சேர்ந்த நீச்சல்
வீரர்கள் குழு ஒன்று இந்த சாம்பைன் கிடப்பதை கண்டுபிடித்தார்களாம்.

அப்போதே
ஒரே ஒரு பாட்டில் சாம்பைனை மட்டும் எப்படியோ கஷ்டப்பட்டு வெளியே எடுத்து
பார்த்ததில், அந்த பாட்டி உத்தேசமாக 1780 ஆம் ஆண்டு வாக்கில்
வடிவமைக்கப்பட்டிருக்கலாம் என தெரிய வந்ததாம்.அப்படி என்றால் அதிலுள்ள
சரக்கும் எத்தனை பழசாக இருக்கும் என்று யூகித்துக்கொள்ளலாம்!

அந்த
பாட்டில்கள் அனைத்தும் வெளியே எடுக்கப்பட்டு, அதிலுள்ள சரக்கும் 1825 ஆம்
ஆண்டுக்கு முந்தையது என்று நிரூபமானால், பாட்டில் ஒன்றின் விலையே சுமார்
68,000 அமெரிக்க டாலர்களுக்கு போகுமாம். குடிமகன்களிடம் பழைய சரக்குக்கு
அத்தனை கிராக்கி!

பின்லாந்தில் எப்.எம். ரேடியோ தொடங்கி தொலைக்காட்சி வரைக்கும் இப்போது இதுதான் 'ஹாட் நியூஸ்'!

பின்லாந்தில் கிடைத்த 200 ஆண்டு கால சாம்பைன்!

பின்லாந்தில் கிடைத்த 200 ஆண்டு கால சாம்பைன்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக