மாணவிகளை நிர்வாணப்படுத்திய ஆசிரியைகள்

ஒரு பள்ளி மாணவி வைத்திருந்த 50 ரூபாயை திருடியதாக குற்றம்சாட்டப்பட்ட இரண்டு மாணவிகளின் ஆடைகளை களைந்து நிர்வாணப்படுத்தி ஆசிரியைகள் சோதனை நடத்திய சம்பவம் நிகழ்ந்துள்ளது.
கம்யூனிஸ்ட்கள் ஆளும் மேற்கு வங்க மாநிலத்தில் உள்ள நிம்தா என்ற இடத்தில் தான் இந்தக் கொடூரமான சம்பவம் அரங்கேறியுள்ளது.

ஹர்தயாள் பாலிகா வித்யாலயா என்ற பள்ளியில் 8ம் வகுப்பு பயிலும் ஒரு மாணவி, தான் வைத்திருந்த 50 ரூபாயை சக மாணவிகள் இரண்டு பேர் திருவிவட்டதாக வகுப்பு ஆசிரியையிடம் புகார் கூறியுள்ளார். உடனே ஆசிரியை அந்த இரண்டு மாணவிகளின் புத்தகப்பையை சோதனை செய்துள்ளனர். அதில் பணம் இல்லை.

உடனே அந்த ஆசிரியை இன்னொரு ஆசிரியையின் உதவியை நாடியுள்ளார. அவர்கள் இருவரும் வகுப்பறையில் இருந்த மற்ற மாணவிகளை வெளியேற்றிவிட்டு, அந்த இரு மாணவிகளின் ஆடைகளையும் களைந்து அவர்களை நிர்வாணப்படுத்தி சோதனை நடத்தியுள்ளனர். அந்த மாணவிகளிடம் பணம் இல்லை என்று தெரிந்தவுடன் அவர்களை வீட்டுக்கு அனுப்பிவிட்ட ஆசிரியைகள் இதுபற்றி பெற்றோரிடமோ, போலீசிடமோ வாய் திறக்கக்கூடாது என்றும் மிரட்டியுள்ளனர்.

ஆசிரியைகளின் இந்த நடவடிக்கையால் அவமானம் அடைந்து மனம் உடைந்த அந்த மாணவிகள் தங்கள் வெற்றோரிடம் தெரிவித்தனர். இதையடுத்து பெற்றோர்கள் போலீசில் புகார் செய்துள்ளனர். இதுவரை இந்த சம்பவத்தில் யாரும் கைது செய்யப்படவில்லை. இந்த சம்பவம் குறித்து பள்ளி நிர்வாகம் விசாரணைக்கு உத்தரவிட்டுள்ளது.
இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.