நெற்றியில் ஒட்டிக் கொள்வதா அதிபர் ஒபாமா கோபம்.!!

by thazeem Tue Aug 31, 2010 1:49 pm

நெற்றியில் ஒட்டிக் கொள்வதா அதிபர் ஒபாமா கோபம்.!!

வாஷிங்டன் : நான் முஸ்லிமா, கிறிஸ்துவனா என்பதை தெரிவிப்பதற்காக என்னுடைய பிறப்பு சான்றிதழை நெற்றியில் ஒட்டிக் கொண்டு அலைய முடியாதென, அமெரிக்க அதிபர் ஒபாமா தெரிவித்துள்ளார்.

அமெரிக்க அதிபர் தேர்தல் நடந்த போது ஒபாமா முஸ்லிம் என, எதிர்க்கட்சியினர் பிரசாரம் செய்தனர். அமெரிக்காவில் 18 சதவீத மக்கள் ஒபாமாவை முஸ்லிம் என நினைத்து கொண்டிருப்பதாக சமீபத்திய ஆய்வு ஒன்று தெரிவித்துள்ளது.இது குறித்து ஒபாமா குறிப்பிடுகையில், "சிலர் வேண்டுமென்றே இது போன்ற செய்திகளை பரப்புகின்றனர். நான் கிறிஸ்துவன் என்பதை நிரூபிப்பதற்காக என்னுடைய பிறப்பு சான்றிதழை நெற்றியில் ஒட்டிக் கொண்டு அலைய முடியாது. "டிவி` மற்றும் பத்திரிகைகளால் பரப்பப்படும் இது போன்ற தவறான செய்திகளுக்காக நான் வாழ்நாள் முழுவதும் வருத்தப்பட்டு கொண்டிருக்க தயாரில்லை` என, தெரிவித்துள்ளார்.