பாதாளத்தில் பாகிஸ்தான் கிரிக்கட் அணி

by thazeem Tue Aug 31, 2010 12:51 pm

லண்டன் : ""கிரிக்கெட்டில் "ஸ்பாட் பிக்சிங்', "மேட்ச் பிக்சிங்' இரண்டும் மிகவும் மோசமான சூதாட்டம். இதில்ஈடுபட்ட பாகிஸ்தான் வீரர்கள் மீது கடுமையான நடவடிக்கை எடுக்கப்படும்,'' என, சர்வதேச கிரிக்கெட் கவுன்சில் (ஐ.சி.சி.,) தலைவர்சரத்பவார் உறுதி தெரிவித்துள்ளார். தவிர, இதில் இந்திய வீரர்களுக்கு உள்ள தொடர்பு குறித்தும்விசாரிக்கப்பட உள்ளது.

இங்கிலாந்து சென்றுள்ள பாகிஸ்தான் டெஸ்ட் தொடரில் பங்கேற்றது. இதில் லார்ட்சில் நடந்த 4வது டெஸ்டில் பாகிஸ்தான் வீரர்கள் "ஸ்பாட் பிக்சிங்கில்' ஈடுபட்டது அம்பலமானது. சூதாட்ட ஏஜன்ட் மசார் மஜீத் சொல்லியபடி பாகிஸ்தான் பவுலர்களான முகமது ஆசிப், முகமது ஆமிர் நோ-பால்வீசியுள்ளனர்.இதனை லண்டனின் "தி நியூஸ் ஆப் தி வேர்ல்டு' என்ற பத்திரிகை "வீடியோ' ஆதாரத்துடன் வெளியிட்டு கிரிக்கெட் உலகை அதிரச் செய்தது. இதில் பாகிஸ்தான் கேப்டன் சல்மான் பட், கம்ரான் அக்மல் உட்பட ஏழு வீரர்களுக்கு உள்ள தொடர்பு அம்பலமானது. இதை யடுத்து நடந்த அதிரடி சோதனையில் வீரர்கள் அறையிலிருந்த ஏராளமான பணம் மற்றும் மொபைல் போன்கள் பறிமுதல் செய்யப்பட்டன.

இதுகுறித்து ஐ.சி.சி., தலைவர் சரத்பவார் கூறியது:பாகிஸ்தான் வீரர்கள் மீது சுமத்தப் பட்டுள்ள சூதாட்ட குற்றச்சாட்டு எந்த வகையில் இருந்தாலும் இது மிக முக்கியமான பிரச்னை தான். இருப்பினும் அந்த ரகசிய வீடியோவை மட்டும் வைத்துக்கொண்டு எந்த முடிவுக்கும் வரமுடியாது. இதில் உண்மை இருந்தால், பாகிஸ்தான் வீரர்கள் மீது கடும் நட
வடிக்கை எடுக்கப்படும். இந்தவிஷயத்தில் லண்டன் போலீசாரின் விசாரணை முடிவுக்காக காத்திருக்கிறோம். ஒருவேளை இதுநிரூபிக்கப் பட்டால் ஐ.சி.சி., மற்றும் பாகிஸ்தான் கிரிக்கெட் போர்டு (பி.சி.பி.,), இங்கிலாந்து கிரிக்கெட் போர்டுகள் (இ.சி.பி.,) இதனை முக்கிய பிரச்னையாக எடுத்துக் கொள்ளும். இதுகுறித்து அந்த நிர்வாகிகளிடம் கலந்து ஆலோசித்தேன். தொடர்ந்து இதுபோன்ற செயலை ஊக்குவிக்க மாட்டார்கள் என நம்புகிறேன். பி.சி.சி.ஐ., எங்கள் உறுப்பினர்களில் ஒருவர் தான். இந்திய ஏஜன்ட்டுக்கு தொடர்பு உள்ளது என மஜீத் தெரிவித்த கருத்தை அவர்கள் எப்படி எடுத்துக்கொள்கின்றனர் எனத் தெரியவில்லை. இதுகுறித்து பி.சி.சி.ஐ., இதில் விழிப்புடன் செயல்படுவார்கள் என நம்புகிறேன். இவ்வாறு சரத்பவார் தெரிவித்தார்.