ஒரு கோடி பூக்கள்

by வினுப்ரியா Mon Aug 30, 2010 10:52 pm

First topic message reminder :

ஒரு கோடி பூக்கள்

ஒரு கோடிபூக்கள்
கூடி தொடுத்த
மாலையொன்று மழலையாகி
தாயின் மார்பில் மணம் வீசுகிறது

குட்டி குழந்தையின்
வெட்டி கிறுக்கல்கள்
இறைவன் வரைய மறந்த
ஓவியங்கள்

கன்னக்குழி விழும்
கள்ளமிலா சிரிப்பொலி
கலைவாணியின் வீணையிலிருந்து
பிறக்கின்ற புது ராகம்

எட்டி எடுத்து
நடை பழகும் குழந்தையின்
தட்டு தடுமாறிய நடையழகு
இன்னும் எவரும்
தாளம் இசைத்து
ஆட முடியாத நடனம்

பனித்துளி வழியும்
ரோஜா இதழ் போல
பவள வாய் எச்சில்
பெற்றவள் பருகதுடிக்கும்
பாற்கடல் அமுதம்

கண்கள் சிமிட்டி
கை நீட்டி தாவும்
கள்ளமில்லா குழந்தையை
அள்ளியெடுத்து அணைத்திட
அந்த வானத்து நிலவும்
ஏங்காதோ?

by வினுப்ரியா Fri Oct 08, 2010 10:00 pm

கலை wrote:குழலினிது யாழினி தென்பதம் மக்கள்
மழலைச் சொல்கேளா தவர். என்றார் வள்ளுவர்.

அந்த மரபில் மழலைச்செல்வத்தின் இன்பத்தை பாங்காக உரைத்த அருமையான கவிதைக்கு பாராட்டுக்கள் வினு..!

பூக்களை மீண்டும் மலர்ச்செய்ததற்கு
வினுவின் பூமாலை நன்றிகள் அன்பு மலர்

by **மு.வித்யாசன்** Sat Oct 09, 2010 10:14 pm

மழலையும், மழையும் ஒன்று
நனைய நனைய திகட்டுவதில்லை
அப்படித்தான்...
படிக்க படிக்க பரவசம் குறைவதில்லை
உங்கள் எழுத்துக்கள்.

வான் உயரமாய் வாழ்த்துக்கள்.

by வினுப்ரியா Sat Oct 09, 2010 10:37 pm

மு.வித்யாசன் wrote:
மழலையும், மழையும் ஒன்று
நனைய நனைய திகட்டுவதில்லை
அப்படித்தான்...
படிக்க படிக்க பரவசம் குறைவதில்லை
உங்கள் எழுத்துக்கள்.

வான் உயரமாய் வாழ்த்துக்கள்.

பாராட்டு மழையில் நனைவதும் திகட்டுவதில்லை
மிக்க நன்றி வித்யா