விமானத்துக்கு சவால் விடும் காட்விட் பறவை!

by suresh3b2 Mon Aug 30, 2010 10:33 am

காட்விட் எனப்படும் (கண்ணாடி உள்ளான்) பறவை 8 நாட்களில் நான் -ஸ்டாப்பாக 11 ஆயிரம் கி.மீ. பறப்பது தற்போது தெரியவந்துள்ளது.

விமானத்துக்கு சவால் விடும் காட்விட் பறவை! Kadvit

சீதோஷ்ண நிலை மாறுபாட்டை சமாளிக்க, இனப்பெருக்கத்துக்கு வசதியாக, காலநிலைக்கு ஏற்ற உணவு தேட.. இப்படி பல காரணங்களுக்காக பறவைகள் இடம் பெயர்கின்றன. வேலை முடிந்ததும் மீண்டும் பழைய இடத்துக்கே வந்துவிடுகின்றன. பறவைகள் 6 ஆயிரம் கி.மீ. வரை நான்-ஸ்டாப்பாக பறக்கின்றன என்று ஏற்கனவே கூறப்பட்டது.

இந்நிலையில், காட்விட் (கண்ணாடி உள்ளான்) பறவை சுமார் 11 ஆயிரம் கி.மீ. தூரம் வரை பறப்பதை ஸ்வீடனின் லண்ட் பல்கலைக்கழகத்தின் உயிரியல் பிரிவு பேராசிரியர் ஆண்டர்ஸ் ஹெடன்ஸ்ட்ரோம் கண்டுபிடித்துள்ளார். இதுபற்றி அவர் பேசுகையில், ஒவ்வொரு இலையுதிர் காலத்தின்போதும் அமெரிக்காவின் அலாஸ்கா மாநிலத்தில் இருந்து காட்விட் (கண்ணாடி உள்ளான்) பறவை புறப்படுகிறது. பசிபிக் பெருங்கடல் வழியாக சுமார் 11 ஆயிரம் கி.மீ. தூரம் நான்&ஸ்டாப்பாக பயணம் செய்து நியூசிலாந்துக்கு செல்கிறது. வசந்தகாலத்தின்போது மீண்டும் 11 ஆயிரம் கி.மீ. பயணித்து அலாஸ்காவுக்கே வருகிறது.

இங்கிலாந்தை சேர்ந்த கைனடிக் நிறுவனத்தின் சபையர் ஆளில்லா விமானம் நடுவானில் பல மணி நேரம் (82 மணி நேரம்) இருக்கும். நான்-ஸ்டாப்பாக நடுவானில் இருப்பது விமானங்களை பொருத்தவரை இதுதான் அதிகபட்சம். இதை தூக்கி சாப்பிடுகிறது காட்விட். மொத்தம் 8 நாட்கள் சாப்பாடு, தூக்கம் இல்லாமல் தொடர்ச்சியாக பறந்துகொண்டே இருக்கிறது.

நாம் ஒரு வேலையும் செய்யாமல் சும்மா இருந்தாலும் தினமும் உடல் எடையில் ஒரு குறிப்பிட்ட சதவீதம் கரையும். காட்விட் பறவை தினமும் 0.41 சதவீத எனர்ஜியை மட்டுமே வீணாக்குகிறது. மற்ற பறவைகளில் இது அதிகம் என்பதால் அவ்வளவு தூரம், நாட்கள் தாக்குப்பிடிக்க முடிவதில்லை. அதன் உடல்வாகும் முக்கிய காரணம். எதிரே வரும் காற்றை கிழித்துக்கொண்டு பறக்கிற வகையில் அதன் உடல் அமைப்பு விமானம் போல அமைந்துள்ளது. மேலும், குறைந்த நேரத்தில் அதிக தூரம் பறக்கும் சக்தி கொண்டது. மொத்தத்தில், விமானத்துக்கே சவாலாக இருக்கிறது காட்விட்.

பறவையை கண்டே விமானம் உருவாக்கப்பட்டது.ஆனால் என்னதான் செயற்கை பொருட்களை வைத்து மனிதன் விமானத்தை உருவாக்கினாளும் பறவைகளை மிஞ்ச முடியாது என்பதை காட்விட் நிருபித்துள்ளது.

by டயானா Mon Aug 30, 2010 10:50 am

விமானத்துக்கு சவால் விடும் காட்விட் பறவை! 678642

by கார்த்திக் Mon Aug 30, 2010 10:59 am

by சபீர் Mon Aug 30, 2010 12:27 pm

பறவையை கண்டே விமானம் உருவாக்கப்பட்டது.ஆனால் என்னதான் செயற்கை பொருட்களை வைத்து மனிதன் விமானத்தை உருவாக்கினாளும் பறவைகளை மிஞ்ச முடியாது என்பதை காட்விட் நிருபித்துள்ளது. ஆமோதித்தல்