டீன் ஏஜில் தெரிந்துகொள்ள வேண்டியது

**சிவா** · **சிவா** Sun Sep 21, 2008 6:50 am

கருப்பை

முத்து வடிவிலுள்ள தசை உறுப்பு, திருமணமாகாத பெண்ணுக்கு இது 2-3 அங்குலம் அளவு இருக்கும். அகலம் 2 அங்குலம். குழந்தை வளர வளர அதற்கேற்ப வளரும். பிறப்புறுப்பின் வலப்பக்கம் அமைந்துள்ளது. இதன் கழுத்துக்கு கருப்பை கழுத்து என்று பெயர். இரண்டு பக்கமும் ஒவ்வொரு கருப்பைக் குழாய் வீதம் இருக்கும்.

கருப்பைக் குழாய்கள் ஒவ்வொன்றும் ஐந்தரைஅங்குலம் நீளமிருக்கும். இதுதான் கருவுறும் முட்டையை கருப்பைக்குள் தள்ளுகிறது.

மார்பகங்கள்

எண்டாக்ரின் சுரப்பிக் கோளாறு இருந்தால் மார்பகங்கள் மிகப் பெரிதாகவோ அல்லது மிகச் சிறியதாகவோ இருக்கும். மார்பகத்தில் தோல், கொழுப்பு, பால்சுரப்பு நாளங்கள், வட்ட முகடுகள் ஆகியவை இருக்கும்.

மார்பக அழகைப்பாதுகாக்க

அளவான மார்பகக் கச்சை (ப்ரா) அணியுங்கள். இறுக்கமாக இருந்தால் காற்றோட்டம் இருக்காது. பூஞ்சைகள்படரும்.தளர்த்தியாக இருந்தால் மார்பகங்கள் தொங்க ஆரம்பித்துவிடும். குளிக்கும்போது மார்பகக் காம்புகளை சுத்தமாகக் கழுவுங்கள்.

வியர்வை நாற்றம்

குழந்தைகளுக்கு அக்குள் மற்றும் பிறப்புறுப்பு பகுதியில் வியர்வை நாற்றம் தெரியாது. ஆனால் டீன் ஏஜின் துவக்கத்திலிருந்து வருகிறது. காரணம், இதுவும் அவர்கள் பாலுறவுத் திறன் பெற்றுவருகிறார்கள், பெற்றுள்ளார்கள் என்பதை உணர்த்துவதாகும். ஆணுக்கு ஒருவிதமாகவும், பெண்ணுக்கு ஒருவிதமாகவும் இந்த நாற்றம் வரும். கர்ப்பக் காலத்தில் இந்த நாற்றத்தின் தன்மை மாறித் தோன்றும்.

வியர்வை நாற்றத்தைப்போக்க டியோடரண்டுகள் போதுமானவை. அக்குள், பிறப்புறுப்பு பகுதிகளை சுத்தமாக வைத்துக்கொள்ளவேண்டும்.

தூக்கம்

வளரும் பருவத்தில் உள்ள பிள்ளைகள் அதிக நேரம் உறங்குவார்கள், நிறைய சாப்பிட ஆரம்பிப்பார்கள்.

முதிர்ச்சி

உடல் முதிர்ச்சியில் மட்டுமின்றி மனதளவில் பெண்கள்தான் முதிர்ச்சி அடைகிறார்கள். பருவ வயதிலேயே பெண் திருமணம் செய்துகொண்டு குடும்பத்தை நிர்வகிக்கும் பொறுப்பை மேற்கொண்டு வெற்றி காண்பாள். ஆனால் ஆண் அந்த வயதிலும் சுற்றிக் கொண்டு வெட்டியாகத்தான் திரிவான். திரியாமல் போனாலும் பொறுப்பு ஏற்பதில்லை.

நாய்க்குட்டி பூனைக்குட்டி

பருவ வயதிலுள்ள பெண்கள் நாய்க்குட்டிகள் மாதிரி. எப்போதும் அம்மாவைச் சுற்றி வருவார்கள், வீட்டிலேயே கிடப்பார்கள். ஆனால் பையன்கள் பூனைக்குட்டி மாதிரி.. சாப்பாட்டு வேளையில் மட்டுமே அம்மாவைத்தேடுவார்கள், வீட்டில் இருப்பார்கள். அதன் பிறகு அவர்களைத் தேட வேண்டியிருக்கும்.