பள்ளி மாணவர்களிடம் செல்போன் ஆபாச படங்கள்! அதிர்ச்சி தகவல் !!!!!!!!!!!!!!

by masthan Sun Aug 29, 2010 1:30 pm

பள்ளி மாணவர்களிடம் செல்போன் ஆபாச படங்கள்! அதிர்ச்சி தகவல்

கோவை அரசு மேல்நிலைப்பள்ளி ஒன்றில் உடற்பயிற்சி ஆசிரியராக வேலை பார்த்து வரும் ஆசிரியர் ஒருவர் காவல் அதிகாரிகளிடம் அதிர்ச்சி புகார் ஒன்றைத் தெரிவித்துள்ளார்.

அதில் கூறியிருப்பதாவது பள்ளியில் படிக்கும் மாணவர்கள் பள்ளி வகுப்பறைக்குள் மொபைல்போன் கொண்டு வர அரசு தடை விதித்துள்ளது. இந்த தடை விதித்து 2 வருடத்துக்கு மேலாகி விட்டது. ஆனாலும் பெரும்பாலான மாணவர்கள் புத்தக பைக்குள் மறைத்து மொபல்போனை எடுத்து வருகின்றனர். முதலில் உணவு இடைவேளையில் மட்டும் கையில் வைத்து மொபைல்போனை பார்த்துக் கொண்டிருந்த மாணவர்கள் பாடம் நட்த்தும்போதும் கூட மொபைலை பார்க்க ஆரம்பித்து விட்டனர். இதனால் அவர்களது கவனம் படிப்பில் இறங்காமல் மனம் திசை மாறிப் போகிறது.

பெரும்பாலான மாணவர்கள் சைனா செல்போன்களை வாங்கி வைத்துக் கொண்டு அதில் 2 ஜி.பி. முதல் 4 ஜி.பி வரையிலான மெமரி கார்டுகளை போட்டு ஆபாச படத்தை பார்த்துக் கொண்டிருக்கின்றனர். விளையாட்டு வகுப்பில் உடற்பயிற்சி மேற்கொள்ளாமல் சில மாணவர்கள் கூடி உட்கார்ந்து எதையோ உற்றுப்பார்த்துக் கொண்டிருந்தனர். அங்கு சென்று பார்த்தால் செல்போனில் ஒரு பெண்ணின் ஆபாசபடம் ஓடிக் கொண்டிருக்கிறது. அது சமீபத்தில் வெளியான படத்தில் நடித்திருக்கும் ஒரு நடிகையின் ஆபாச படுக்கை அறை காட்சியாகும்

மாணவர்களிடம் விசாரித்தபோது காந்திபுரம், சிங்காநல்லூர், பீளமேடு, ராமானுஜபுரம், உள்பட நகரின் பெரும்பாலான இடங்களில் இது போன்ற ஆபாசபடங்களை பதிவிறக்கம் செய்து விற்பதெற்கென்றே நிறைய மொபைல்போன் சர்வீஸ், இன்டர்நெட் மையங்கள், கடைகள் இருப்பதாக கூறுகிறார்கள். பள்ளிக்குள் செல்போன் கொண்டு வருவதை தடுக்க தலைமை ஆசிரியர் மூலம் கடுமையான நடவடிக்கை எடுத்து விட்டோம். அதே நேரத்தில் ஆபாசபடங்களை மெமரிகார்டுகளில் பதிவு செய்து விற்கும் செல்போன் சர்வீஸ் கடைகள், இன்டர்நெட் மையங்கள் மீது கடும் நடவடிக்கை எடுத்து இளைஞர்களின் வாழ்வு சீரழிவதை தடுத்து நிறுத்த வேண்டும் என்று அவர் கூறி உள்ளார்.

அவர் தெரிவித்த புகார்களின் அடிப்படையில் மொபைல்போன் சர்வீஸ் கடைகளையும் இண்டர்நெட் மையங்களையும் காவல்துறையினர் கண்காணித்து வருகின்றனர்.