கோழைத்தனத்தை தாங்க முடியாது-விவேகானந்தர்

**பிளேடு பக்கிரி** · 01/03/2010

இளைஞர்களின் லட்சியபுருஷர் ஆஞ்சநேயர். அடக்கம், பிரம்மச்சர்யம், வீரம் மூன்றின் உறைவிடம் அவர். ஆஞ்சநேயரைப் போன்ற வலிமை படைத்தவர்களால் ஆன்மிகத்தில் சாதிக்க முடியும்.
உண்பதும், உறங்குவதும், செயல்படுவதும் ஒன்றுக்காகவே. அது அனைத்திலும் ஆண்டவனின் வடிவத்தைக் காண்பதற்காக என்று எண்ணி செயல்படுங்கள்.சாகின்ற நிலையிலும் கூட ஒருவருக்கு அவர் யார், எப்படிப் பட்டவர் என்ற கேள்வி கூடக் கேட்காமல் அவருக்கு உதவி செய்வது தான் கர்மயோகம்.

ஆன்மிகத்தில் மிகுந்த வலிமையும்,ஆற்றலும் நிறைந்தவன், வாழ்க்கையில் மற்ற எல்லாத் துறைகளிலும் பேராற்றல் பொருந்தியவனாகத் திகழ முடியும். மனிதன் எந்த அளவுக்கு தன்னை உயர்த்திக் கொள்ள நினைக்கிறானோ அந்த அளவுக்கு கடுமையான சோதனைகளைச் சந்தித்தாக வேண்டும்.

குறைகளைக் கூடத் தாங்கிக் கொள்ளலாம். ஆனால், கோழைத்தனத்தை மட்டும் தாங்க முடியாது. அதனால் போர்வீரனைப் போன்று போராடி உயிர்விடுவதே சிறந்தது.அறிவு, உள்ளம் இரண்டிலும் எதைப் பின்பற்றுவது என்ற போராட்டம் எழும்போது உள்ளம் சொல்வதையே பின்பற்றுங்கள். இதயத்தால் தான் மிகவும் உயர்ந்த நிலைக்கு அழைத்துச் செல்ல முடியும்.