வட்டிப்பணத்தை என்ன செய்வது?

by ரபீக் Sat Aug 28, 2010 3:31 pm

பிஸ்மில்லாஹிர் ரஹ்மானிர் ரஹீம்.
அஸ்ஸலாமு அலைக்கும் வரஹ்..
வட்டி குறித்து இங்கே சகோதரர்கள் பல்வேறு கருத்துக்களை பதிவுசெய்து வருகிறார்கள் . அவற்றில், வட்டிப்பணத்தை நாம் வேண்டாம் என சொன்னால் அவை முஸ்லிம்களின் எதிரிகளுக்கு சென்றடைகிறது. எனவே நாம் வட்டிப் பணத்தை வாங்கி, நாம் வைத்துக்கொள்ளாமல் நற்பணிகளுக்கு செலவிடலாம் என்ற கருத்து பெரும்பான்மை சகோதரர்களால் முன்வைக்கப்படுகிறது. இந்த விஷயத்தில் நாம் தீர்ப்பளிப்பைதைவிட முக்காலமும் உணர்ந்த வல்ல அல்லாஹ் தன் திருமறையில் தீர்ப்பளித்துள்ளான்.

வரவேண்டிய வட்டியை விட்டுவிடுங்கள்;
يَا أَيُّهَا الَّذِينَ آمَنُواْ اتَّقُواْ اللّهَ وَذَرُواْ مَا بَقِيَ مِنَ الرِّبَا إِن كُنتُم مُّؤْمِنِينَ
ஈமான் கொண்டவர்களே! நீங்கள் உண்மையாக முஃமின்களாக இருந்தால், அல்லாஹ்வுக்கு அஞ்சியடங்கி, எஞ்சியுள்ள வட்டியை வாங்காது விட்டு விடுங்கள்.2 ;278

வரவேண்டிய வட்டியை வாங்கினால்;
فَإِن لَّمْ تَفْعَلُواْ فَأْذَنُواْ بِحَرْبٍ مِّنَ اللّهِ وَرَسُولِهِ وَإِن تُبْتُمْ فَلَكُمْ رُؤُوسُ أَمْوَالِكُمْ لاَ تَظْلِمُونَ وَلاَ تُظْلَمُونَ
இவ்வாறு நீங்கள் செய்யவில்லையென்றால் அல்லாஹ்விடமிருந்தும், அவனுடைய தூதரிடமிருந்தும் போர் அறிவிக்கப்பட்டு விட்டது (என்பதை அறிந்து கொள்ளுங்கள்)- நீங்கள் தவ்பா செய்து (இப்பாவத்திலிருந்தும் ) மீண்டுவிட்டால், உங்கள் பொருள்களின் அசல் - முதல் - உங்களுக்குண்டு (கடன்பட்டோருக்கு) நீங்கள் அநியாயம் செய்யாதீர்கள் நீங்களும் அநியாயம் செய்யப்பட மாட்டீர்கள்.2 ;279

வட்டிப் பணத்தைக் கொண்டு நற்காரியம் செய்யமுடியாது;
يَسْأَلُونَكَ مَاذَا يُنفِقُونَ قُلْ مَا أَنفَقْتُم مِّنْ خَيْرٍ فَلِلْوَالِدَيْنِ وَالأَقْرَبِينَ وَالْيَتَامَى وَالْمَسَاكِينِ وَابْنِ السَّبِيلِ وَمَا تَفْعَلُواْ مِنْ خَيْرٍ فَإِنَّ اللّهَ بِهِ عَلِيمٌ
அவர்கள் உம்மிடம் கேட்கிறார்கள்; "எதை, (யாருக்குச்) செலவு செய்யவேண்டும்" என்று. நீர் கூறும்; "(நன்மையை நாடி) நல்ல பொருள் எதனை நீங்கள் செலவு செய்தாலும், அதை தாய், தந்தையருக்கும், நெருங்கிய உறவினர்களுக்கும், அநாதைகளுக்கும், மிஸ்கீன்(ஏழை)களுக்கும், வழிப்போக்கர்களுக்கும் (கொடுங்கள்). மேலும் நீங்கள் நன்மையான எதனைச் செய்தாலும் நிச்சயமாக அல்லாஹ் அதை அறிந்து (தக்க கூலி தருபவனாக) இருக்கிறான்."2 ;215

கெட்டவற்றைத் தேடி அதன் மூலம் செலவு செய்யலாகாது;
يَا أَيُّهَا الَّذِينَ آمَنُواْ أَنفِقُواْ مِن طَيِّبَاتِ مَا كَسَبْتُمْ وَمِمَّا أَخْرَجْنَا لَكُم مِّنَ الأَرْضِ وَلاَ تَيَمَّمُواْ الْخَبِيثَ مِنْهُ تُنفِقُونَ وَلَسْتُم بِآخِذِيهِ إِلاَّ أَن تُغْمِضُواْ فِيهِ وَاعْلَمُواْ أَنَّ اللّهَ غَنِيٌّ حَمِيدٌ
நம்பிக்கை கொண்டோரே! நீங்கள் சம்பாதித்தவற்றிலிருந்தும், பூமியிலிருந்து நாம் உங்களுக்கு வெளிப்படுத்தித் தந்த (தானியங்கள், கனி வகைகள் போன்ற)வற்றிலிருந்தும், நல்லவற்றையே (தான தர்மங்களில்) செலவு செய்யுங்கள்;. அன்றியும் கெட்டவற்றைத் தேடி அவற்றிலிருந்து சிலவற்றை (தான தர்மங்களில்) செலவழிக்க நாடாதீர்கள்;. ஏனெனில் (அத்தகைய பொருள்களை வேறெவரும் உங்களுக்குக் கொடுத்தால் வெறுப்புடன்), கண் மூடிக் கொண்டேயல்லாது அவற்றை நீங்கள் வாங்க மாட்டீர்கள்! நிச்சயமாக அல்லாஹ் (எவரிடத்தும், எந்தத்) தேவையுமற்றவனாகவும், புகழுக்கெல்லாம் உரியவனுமாகவும் இருக்கின்றான் என்பதை நீங்கள் நன்கறிந்து கொள்ளுங்கள்.2; 267

அப்படியாயின் நாம் வாங்காமல் விட்ட வட்டிப்பணம் நமது எதிரிகளுக்கு போகிறதே..?
இது பெரும்பாலும் அனுமானம்தான்! அப்படியே எதிரிகளுக்குப் போனாலும் அதைப்பற்றி நாம் விசாரிக்கப்பட மாட்டோம்.
وَمَن يَكْسِبْ إِثْمًا فَإِنَّمَا يَكْسِبُهُ عَلَى نَفْسِهِ وَكَانَ اللّهُ عَلِيمًا حَكِيمًا
எவன் பாவத்தைச் சம்பாதிக்காறானோ அவன் தனக்குக் கேடாகவே அதை நிச்சயமாக சம்பாதிக்கிறான். அல்லாஹ் (யாவற்றையும்) அறிந்தவனாகவும் ஞானமுடையவனாகவும் இருக்கின்றான். 4 ;111

எனவே நாமாக ஏதேனும் ஒரு காரணத்தை கற்பனை செய்துகொண்டு வட்டியை ஆகுமாக்கிவிடாமல் அல்லாஹ் பாதுகாப்பானாக!
அல்லாஹ்வே மிக அறிந்தவன்.

by tdrajeswaran Sat Aug 28, 2010 3:41 pm

என்னுடைய நண்பர்கள், உறவினர்கள் சிலர் வட்டிக்கு பணம் கொடுக்கும் பழக்கம் உள்ளவர்கள். கேட்டால், மாடு, ஆடு, கோழி போன்றவைகளை கொன்று சாப்பிடலாம் என்றால் வட்டிக்கும் பணம் கொடுக்கலாம் என்று விதண்டாவாதம் ப்ண்ணுவார்கள்.

அவர்களுக்கு அற்புதமான விளக்கம் சொன்னீர்கள். மிகுந்த நன்றி.

by ரபீக் Sat Aug 28, 2010 3:52 pm

tdrajeswaran wrote:என்னுடைய நண்பர்கள், உறவினர்கள் சிலர் வட்டிக்கு பணம் கொடுக்கும் பழக்கம் உள்ளவர்கள். கேட்டால், மாடு, ஆடு, கோழி போன்றவைகளை கொன்று சாப்பிடலாம் என்றால் வட்டிக்கும் பணம் கொடுக்கலாம் என்று விதண்டாவாதம் ப்ண்ணுவார்கள்.

அவர்களுக்கு அற்புதமான விளக்கம் சொன்னீர்கள். மிகுந்த நன்றி.

படித்து புரிந்தமைக்கு நன்றி நண்பா